"ەشكىمگە ساتىلمايتىن كۇيەۋىمدى قولدايمىن": پۋگاچەۆا ءوزىن "شەتەل اگەنتى" تىزىمىنە قوسۋدى سۇرادى

2455

رەسەيلىك ءانشى اللا پۋگاچەۆا رف ادىلەت مينيسترلىگىنەن ءوزىن "شەتەل اگەنتى" تىزىمىنە قوسۋدى سۇرادى، دەپ جازادى "ادىرنا" ۇلتتىق پورتالى. 

ءانشى ءوزىنىڭ ينستاگرام پاراقشاسىندا رەسەيدىڭ ۋكرايناعا باسىپ كىرۋى تۋرالى ءوز پىكىرىن اشىق جاريالاپ، سوعىسقا قارسى شىققان كۇيەۋى ماكسيم گالكيندى قولدادى.

"سىزدەن مەنى سۇيىكتى ەلىمنىڭ شەتەلدىك اگەنتتەرىنىڭ قاتارىنا قوسۋىڭىزدى سۇرايمىن. ويتكەنى مەن ادال، پاراساتتى، شىنشىل كۇيەۋىمدى قولدايمىن. رەسەيدىڭ ناعىز، ەشكىمگە ساتىلمايتىن پاتريوتى، وتانىمىزدىڭ گۇلدەنۋىن، بەيبىت ءومىر مەن ءسوز بوستاندىعىن جانە ازاماتتارىمىزدىڭ ءومىرىن قيىنداتاتىن يلليۋزيالىق ماقساتتار ءۇشىن جىگىتتەرىمىزدىڭ ءولىمىن توقتاتۋدى تىلەيتىن كۇيەۋىممەن بىرگەمىن",- دەپ جازدى پۋگاچەۆا.

ەستەرىڭىزگە سالا كەتەيىك، بۇعان دەيىن اللا پۋگاچەۆانىڭ كۇيەۋى ماكسيم گالكين "شەتەل اگەنتتەرى" تىزىمىنە ەنگىزىلگەن بولاتىن. 

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket