"قازاقستانعا قاشىپ كىرەتىن رەسەيلىكتەر سانى 3 ميلليوننان اسۋى مۇمكىن. قوناق ءۇي، كولىك باعاسى، ءىشىپ-جەم، تاكسيدىڭ اقىسى قاتتى قىمباتتاپ كەتەرى انىق. سىرتقى ىستەر مينيسترلىگى قايداسىزدار؟ بۇل جاعدايدا نەگە ءۇنسىز وتىرمىز؟" بۇل پىكىردى بەلگىلى بلوگەر داۋلەت مۇقاەۆ ءوزىنىڭ ينستاگرام پاراقشاسىندا قالدىردى، دەپ جازادى "ادىرنا" ۇلتتىق پورتالى.
"سۇمدىق! رەسەيدە اسكەري جارامدى ازاماتتاردى سوعىسقا الۋ جايلى جارلىق شىقتى دەگەلى، قازاقستانعا رەسەيلىكتەر اعىلىپ كەلىپ جاتىر. شەكارادا 10 كم-لىك كەپتەلىستەر پايدا بولعان. كەشەگە دەيىن ۋكراينا جەرىندەگى سوعىستى - سپەتس.وپەراتسيا اتاپ، تەك كونتراكتنيكتەردى تارتقان. سونىڭ وزىندە اسكەري كامپانياعا بايقاۋسىزدا ىلىگىپ كەتپەيىن، - دەپ قازاقستانعا 700 مىڭ رەسەيلىك قاشىپ كىرىپ ەدى. ولار نە ىستەپ ءجۇر؟ قايدا تۇرىپ جاتىر؟ قانداي قىلمىستار جاسادى؟ نەندەي كاسىپ اشتى؟ ەشقانداي سوتسيولوگيالىق زەرتتەۋ جوق. ال ەندى رەسمي موبيليزاتسيا باستالدى، ماماندار قازاقستانعا قاشىپ كىرەتىن رەسەيلىكتەر سانى 3 ميلليوننان اسۋى مۇمكىن، - دەپ وتىر. قازىردىڭ وزىندە تەلەگرام، ۆكونتاكتە چاتتاردا شەكارادان زاڭدى-زاڭسىز ءوتۋدىڭ جولدارىن ءبىر-بىرىنە ۇيرەتىپ جاتىر. بۇل كەلە جاتقاندار بيلىك وكىلدەرى ايتىپ جاتقانداي ورتا داۋلەتتى ەمەس. سوڭعى تيىنىنا پويىزعا بيلەپ الىپ، اۆتوبۋسپەن كەلە جاتىر. قارجىسى جوق بۇل قالىڭ توپ ەرتەڭ ەلدەگى كريمينالدىق احۋالدى قيىنداتىپ جىبەرەتىنى انىق. تەك ورىس تىلىندە قىزمەت تالاپ ەتىڭدەر،- دەپ چاتتاردا ۇگىپ ءجۇرىپ جاتىر. ەرتەڭ ءتىل، ۇلتارالىق كيكىلجىڭ كۇشەيەدى. كەشەگى 600 مىڭ كەلىمسەك الماتى، استانادان پاتەر ساتىپ الا باستاپ ەدى، سونىڭ سالدارىنان الماتى-استانادا ءۇي باعاسى، جالداۋ اقىسى 30-50 پايىزعا قىمباتتاپ كەتكەن ەدى. ەندى ميلليونداعانى كىرسە، باسپانا قۇنى ۇشادى. قوناق ءۇي، كولىك باعاسى، ءىشىپ-جەم، تاكسيدىڭ اقىسى قاتتى قىمباتتاپ كەتەرى انىق. سىرتقى ىستەر مينيسترلىگى قايداسىزدار؟ بۇل جاعدايدا نەگە ءۇنسىز وتىرمىز؟", - دەپ جازدى داۋلەت مۇقاەۆ.
"ادىرنا" ۇلتتىق پورتالى
