شەشەنستان رەسپۋبليكاسىنىڭ باسشىسى رامزان قادىروۆتىڭ كامەلەتكە تولماعان ءۇش ۇلى ارنايى وپەراتسيا ايماعىنا بارۋعا دايىندالىپ جاتىر. بۇل تۋرالى ول الەۋمەتتىك جەلىدە جازدى، دەپ حابارلايدى “ادىرنا” ۇلتتىق پورتالى.
قادىروۆتىڭ سوزىنشە، كامەلەت جاسىنا تولماۋ وتان الدىنداعى بورىشىنان بوساتپايدى.
شەشەنستان رەسپۋبليكاسىنىڭ تۇڭعىش پرەزيدەنتى احمات-حادجي قادىروۆتىڭ نەمەرەلەرى – احمات، 15 جانە ادام – 16, 15 جانە ادام – 14 جاستا. قادىروۆتىڭ ايتۋىنشا، ولاردىڭ اسكەري دايىندىقتارى جاستايىنان باستالعان.
سونداي-اق، گۋدەرمەستەگى رەسەيدىڭ ارنايى جاساق ۋنيۆەرسيتەتىنىڭ بازاسىندا ولارعا ءارتۇرلى قارۋ-جاراقپەن جۇمىس ىستەۋ، ولاردى كەز كەلگەن قاشىقتىقتا قولدانۋ، تەوريالىق نەگىزدەرى وقىتىلادى.
"احمات، ەلي جانە ادام ءوز اسكەري داعدىلارىن ارنايى اسكەري وپەراتسيا ايماعىندا قولدانۋعا دايىن. جانە مەن قالجىڭداپ تۇرعان جوقپىن. ناعىز جەكپە-جەكتە وزدەرىن كورسەتەتىن ۋاقىت كەلدى، بۇل ولاردىڭ قالاۋى، مەن تەك قۇپتايمىن. كوپ ۇزاماي ولار مايدان شەبىنە شىعىپ، قيان-كەسكى ۇرىستىڭ ورتاسىندا بولادى", - دەپ جازدى رامزان قادىروۆ.
قادىروۆتىڭ ويىنشا، كەز كەلگەن اكەنىڭ باستى ماقساتى – ۇلدارىن يماندىلىققا باۋلىپ، وتباسىن، حالقىن، وتانىن قورعاۋعا دايىنداۋ.
”ادىرنا” ۇلتتىق پورتالى
