قازىر بۇكىل الەم تولقىپ تۇرعانى بەلگىلى. مەملەكەتتەر اراسىندا گەوساياسي جاعداي شيەلەنىسىپ، حالىقارالىق احۋالدىڭ قيىنداي تۇسۋدە. بۇكىل ادامزات كۇردەلى كەزەڭدى باستان وتكەرۋدە. وسىندادا ەلدىكتى نىعايتىپ، مەملەكەت تىنىشتىعىنىڭ ماڭىزى ارتا ءتۇستى. ويتكەنى بىرلىك – بەيبىتشىلىك پەن تىنىشتىقتىڭ كەپىلى. سوندىقتان ءار ىستە پاراساتتىلىق پەن سابىرلىق تانىتۋ ەلىمىزدىڭ اماندىعى مەن جەرىمىزدىڭ بۇتىندىگى ءۇشىن اسا ماڭىزدى.
سونىمەن بىرگە، ەلىمىزگە كورشى مەملەكەتتەن كەلىپ جاتقاندار تۋرالى ماسەلە كوپتىڭ كوكەيىندە ءجۇر. ايتارىم، بارلىق ءىستى بايىپپەن تالقىلاپ، اقىلمەن شەشۋىمىز قاجەت.
بىرىنشىدەن، پرەزيدەنتتىك مانداتتىق جەتى جىلدىق مەرزىمگە بەلگىلەگەنى – وڭ شەشىم. ويتكەنى مىنانداي وتپەلى كەزەڭدە پرەزيدەنت سول ۋاقىتتىڭ ىشىندە لايىقتى، ءوزىنىڭ ورىن باساتىن، پاتريوت ازاماتتاردى تاربيەلەپ قالىپتاستىرماق. سەبەبى، ءبىز 30 جىل بويى مونارحيالىق بيلىكتىڭ بوداۋىندا بولدىق. ال قازىر جاڭا قازاقستان دەگەن جاڭا باعدارلاما بويىنشا قادام باستىق. سوندىقتان وسىنداي كەزەڭدە ءبىز، مەملەكەت باسشىسى قاسىم-جومارت توقاەۆتى ءبىر اۋىزدان قولداۋىمىز كەرەك. قازاقتا «بولىنگەندى ءبورى جەيدى» دەگەندەي، بولىنبەۋىمىز كەرەك.
ەكىنشىدەن، پرەزيدەنت حالىققا جولداعان ءار جولداۋىندا ەل ەكونوميكاسىن كوتەرۋ، حالىقتىڭ تۇرمىسىن جاقسارتۋ سەكىلدى كۇردەلى ماسەلەلەردى كوتەرىپ كەلەدى. ءتىپتى، دۇنيەجۇزىلىك تاجىريبەلەردى يگەرە وتىرىپ، جاڭا قازاقستاندى قالىپتاستىرۋ جولىندا قولعا الىنىپ جاتىر. ونىڭ ۇستىنە، قانداي دا باسشى بولماسىن حالىقتىڭ كوڭىلى تولمايدى، ونىڭ كوڭىلىنەن شىعۋ وتە قيىن. سول سەبەپتى مەملەكەت باسشىسىنىڭ جاڭا ساياسات جۇرگىزەيىك دەگەن ويىن قۇپتايمىن.
ەسبەرگەن الاۋحانوۆ،
زاڭ عىلىمدارىنىڭ دوكتورى، پروفەسسور، قازاقستاننىڭ ەڭبەك سىڭىرگەن قايراتكەرى
