شىمكەنتتەگى مەتاللۋرگتەر ستاديونى قايتا جاڭارۋدا. وتكەن عاسىردىڭ 50-ءشى جىلدارى سالىنعان سپورتتىق نىسان وسى كەزگە دەيىن جوندەۋ كورمەگەن، قازىر قايتا جاڭعىرۋدا.
قۇرىلىس بارىسىن شاھار باسشىسى م.ايتەنوۆ ارنايى بارىپ، جۇمىستاردىڭ ورىندالۋ بارىسىن تەكسەردى.
جوبا بويىنشا مۇندا اكىمشىلىك-تۇرمىستىق كورپۋس (ابك), سپورت زالدار، اسحانا، كوماندالىق ويىندارعا ارنالعان سپورتزالدار، 62 ورىنعا ارنالعان سپورتشىلار ءۇيى، 1504 ورىنعا ارنالعان تريبۋنا، كوماندالىق كيىم اۋىستىرۋ بولمەسى، سپورتتىق ترەناجەرلەر الاڭشاسى، ويىندار الاڭشاسى، كەشەندە قولدانىلاتىن سپورتتىق تابلو، سۋمەن جابدىقتاۋ سورعىسى، كارىز سورعى بەكەتى سالىنۋدا.
اۋماعى 3 گا اسا جەردى قامتيتىن نىساننىڭ قۇرىلىسى 2020 جىلدىڭ ناۋرىزىندا باستالعان، بۇگىنگە دەيىن ءبىرشاما جۇمىستار اتقارىلدى. ستاديون قۇرىلىسى كەلەسى جىلعا وتپەلى.
