تالدىقورعان قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى انار نۇرماحان كوزى ناشار كورەتىن جاياۋ جۇرگىنشىلەرگە داۋىستى باعدارشام ورناتۋدى ۇسىنىپ وتىر. بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە بەلگىلى بولدى.
قازاقستاندا 160 000-نان استام كورۋ قابىلەتى بۇزىلعان ادامدار بار جانە ولار ءبىر قاراعاندا قاراپايىم نارسەلەردە، مىسالى، جولدان ءوتۋ سياقتى ۇنەمى كوپتەگەن قيىندىقتارعا تاپ بولادى.
انار جوبا جەتەكشىسى، فيزيكا ءپانىنىڭ مۇعالىمى دامير تۋلەگەنوۆپەن بىرگە بىرەگەي قۇرىلعىنىڭ جوباسىن جاسادى.
تالدىقورعاندا 200-دەن استام باعدارشام بولسا، ونىڭ از عانا بولىگى وتكەل سيگنالىنىڭ دىبىستىق سۇيەمەلدەۋىنە ارنالعان قۇرىلعىلارمەن جابدىقتالعان. ال ەگەر مۇنداي باعدارشامعا كوزى ناشار كورەتىن ادام كەلسە، وندا ول قازىر قاي باعدارشام جانىپ تۇرعانىن، قاي باعىتتا ءجۇرۋ كەرەكتىگىن انىقتاي المايدى، – دەيدى جاس ونەرتاپقىش.
مودۋل - داۋىس زورايتقىشتى ورنالاستىراتىن بلوك رەتىندە جاسالعان. جاسىل سيگنال قوسىلعاندا، كوشەنىڭ اتاۋى تۋرالى دىبىستىق سيگنال بەرىلەدى، سودان كەيىن جاسىل سيگنالدىڭ اياقتالۋىنا دەيىنگى سەكۋندتارداعى ۋاقىت حابارلانادى جانە سوڭعى سەكۋندتا ستوپ ايتىلادى!
قۇرىلعىنىڭ ەرەكشەلىگى – داۋىستىق حابارلامالار مەملەكەتتىك تىلدە. قۇرىلعى كۇن مەن ءتۇندى انىقتاۋ فۋنكتسياسىنا يە، ال تۇندە دىبىس دەڭگەيى 50%-عا ازايتادى، سونىمەن قاتار ۋاقىت ارالىعىن باعدارلامالاۋ مۇمكىندىگىن قامتاماسىز ەتەدى، —دەيدى جوبا جەتەكشىسى دامير تۋلەگەنوۆ.
قۇرىلعىنى زەرتتەۋ جانە جوبالاۋ بارىسىندا انار 419 583,10 تەڭگە تۇراتىن Triol-M2 سياقتى داۋىستى باعدارشامنىڭ رەسەيلىك انالوگىمەن سالىستىرمالى تالداۋ جاسادى. ءوز كەزەگىندە وقۋشىنىڭ جاساعان قۇرىلعىنىڭ قۇنى نەبارى 25 000 تەڭگەنى قۇرايدى.
جوبا تالدىقورعان قالاسىنداعى نازارباەۆ زياتكەرلىك مەكتەبى مەن IT-services & Education قوعامدىق جاستار بىرلەستىگى اراسىنداعى مەموراندۋم اياسىندا جۇزەگە اسىرىلدى.
