Taldyqorǧan qalasyndaǧy Nazarbaev Ziiatkerlık mektebınıŋ 11-synyp oquşysy Anar Nūrmahan közı naşar köretın jaiau jürgınşılerge dauysty baǧdarşam ornatudy ūsynyp otyr. Būl turaly Öŋırlık kommunikasiialar qyzmetınıŋ alaŋynda ötken brifingte belgılı boldy.
Qazaqstanda 160 000-nan astam köru qabıletı būzylǧan adamdar bar jäne olar bır qaraǧanda qarapaiym närselerde, mysaly, joldan ötu siiaqty ünemı köptegen qiyndyqtarǧa tap bolady.
Anar joba jetekşısı, fizika pänınıŋ mūǧalımı Damir Tulegenovpen bırge bıregei qūrylǧynyŋ jobasyn jasady.
Taldyqorǧanda 200-den astam baǧdarşam bolsa, onyŋ az ǧana bölıgı ötkel signalynyŋ dybystyq süiemeldeuıne arnalǧan qūrylǧylarmen jabdyqtalǧan. Al eger mūndai baǧdarşamǧa közı naşar köretın adam kelse, onda ol qazır qai baǧdarşam janyp tūrǧanyn, qai baǧytta jüru kerektıgın anyqtai almaidy, – deidı jas önertapqyş.Modul - dauys zoraitqyşty ornalastyratyn blok retınde jasalǧan. Jasyl signal qosylǧanda, köşenıŋ atauy turaly dybystyq signal berıledı, sodan keiın jasyl signaldyŋ aiaqtaluyna deiıngı sekundtardaǧy uaqyt habarlanady jäne soŋǧy sekundta STOP aitylady!
Qūrylǧynyŋ erekşelıgı – dauystyq habarlamalar memlekettık tılde. Qūrylǧy kün men tündı anyqtau funksiiasyna ie, al tünde dybys deŋgeiı 50%-ǧa azaitady, sonymen qatar uaqyt aralyǧyn baǧdarlamalau mümkındıgın qamtamasyz etedı, —deidı joba jetekşısı Damir Tulegenov.Qūrylǧyny zertteu jäne jobalau barysynda Anar 419 583,10 teŋge tūratyn Triol-M2 siiaqty dauysty baǧdarşamnyŋ reseilık analogymen salystyrmaly taldau jasady. Öz kezegınde oquşynyŋ jasaǧan qūrylǧynyŋ qūny nebärı 25 000 teŋgenı qūraidy. Joba Taldyqorǧan qalasyndaǧy Nazarbaev Ziiatkerlık mektebı men IT-services & Education qoǧamdyq jastar bırlestıgı arasyndaǧy memorandum aiasynda jüzege asyryldy.
