Būl turaly Ortalyq kommunikasiialar qyzmetınıŋ brifingınde Abai oblysynyŋ äkımı Berık Uäli baiandady.
Abai oblysynda investisiia tartu jäne öŋırdıŋ önerkäsıptık äleuetın arttyru baǧytynda jüielı jūmystar jürgızılude. Jyl basynan berı oblys äkımı Berık Uäli 100-den astam şeteldık investormen kezdestı. Halyqaralyq ekonomikalyq yntymaqtastyqty nyǧaitu maqsatynda «Ülken Altai» halyqaralyq suböŋırlık konferensiiasy aiasynda Qytai Halyq Respublikasynyŋ ırı kompaniialarymen jalpy qūny 1,5 milliard AQŞ dollaryn qūraityn 15 memorandumǧa qol qoiyldy. Būl kelısımder logistika, turizm, öŋdeu önerkäsıbı jäne basqa da maŋyzdy baǧyttardy qamtidy.
«Qazırgı uaqytta qytailyq serıktesterdıŋ qatysuymen jalpy qūny 39,5 mlrd teŋgenı qūraityn 3 joba ıske asyryla bastady. Sonymen qatar, öŋırden şyqqan tanymal tūlǧalar, käsıpkerler men mesenattardyŋ qatysuymen ötken «Tuǧan jerge tuyŋdy tık» investisiialyq forumynda jalpy somasy 336 mlrd teŋgege 15 maŋyzdy kelısım jasaldy. Onyŋ ışınde jalpy somasy 31,7 mlrd. teŋgenı qūraityn 2 jobany ıske asyru bastaldy. Būl forum oblystyŋ investisiialyq tartymdylyǧyn arttyruǧa jäne jergılıktı biznestıŋ jaŋa serpın aluyna yqpal ettı», – dedı oblys äkımı.
İndustriialyq infraqūrylymdy damytu baǧytynda da auqymdy jūmystar jürgızılude. Semei qalasyndaǧy aumaǧy 96 gektardy qūraityn «Öndırıs» industriialyq aimaǧynda 3 jaŋa jobalarǧa jer berılıp, tolyq igerıldı. İndustriialyq aimaqty 186 gektarǧa deiın keŋeitıp, şaǧyn önerkäsıp parkın qūru jūmystary qolǧa alynyp jatyr.
Öŋırge investorlardyŋ qyzyǧuşylyǧy joǧary. Osyǧan orai Semei qalasynyŋ önerkäsıptık aimaǧynda arnaiy ekonomikalyq aimaq qūru üşın 500 gektar jer bölu josparlanuda. Būl joba jaŋa öndırıs oryndaryn aşuǧa, jūmys oryndaryn köbeituge jäne öŋırdıŋ tūraqty ekonomikalyq damuyna serpın beredı.
