بەيجىڭ تايۆانمەن بەيبىت جولمەن قوسىلۋدى كوزدەيدى. الايدا كۇش قولدانۋدان باس تارتۋعا ۋادە بەرمەيدى. بۇل تۋرالى جەكسەنبىدە قحر توراعاسى، قىتاي كومپارتياسىنىڭ باس حاتشىسى سي تسزينپين قكپ-نىڭ 20-شى سەزىندە ايتتى، دەپ حابارلايدى “ادىرنا” ۇلتتىق پورتالى.
ء"بىز بەيبىت قايتا بىرىگۋ پەرسپەكتيۆاسىن ۇستانامىز. بىراق ەشقاشان كۇش قولدانۋدان باس تارتۋعا ۋادە بەرمەيمىز. تايۆان تاۋەلسىزدىگىن جاقتايتىن سىرتقى كۇشتەر مەن وتە از سەپاراتيستەردىڭ ارالاسۋىنا، سونداي-اق ولاردىڭ ءبولىنۋ ارەكەتتەرىنە قارسى بارلىق قاجەتتى شارانى قولدانامىز", - دەدى ول.
سونداي-اق سي تسزينپين مۇنداي ارەكەتتەر تايۆان تۇرعىندارىنىڭ كوپشىلىگىنە قارسى باعىتتالمايتىنىن اتاپ ءوتتى. ول بۇعان دەيىن قىتاي ەشقاشان گەگەمونياعا ۇمتىلمايتىنىن نەمەسە ەكسپانسيونيزممەن اينالىسپايتىنىن ايتقان بولاتىن.
"قىتاي گەگەمونيزم مەن كۇش ساياساتىنىڭ بارلىق تۇرىنە، قىرعي قاباق سوعىس مەنتاليتەتىنە، باسقا ەلدەردىڭ ىشكى ىسىنە ارالاسۋعا جانە قوس ستاندارتتارعا ءۇزىلدى-كەسىلدى قارسى”،-دەدى ول.
