وتكەن تاۋلىكتە قۇرلىقتىق قىتايدا بىردە-ءبىر كوروناۆيرۋس جۇقتىرۋ وقيعاسى تىركەلمەگەنىنە قاراماستان، قىتايدىڭ سولتۇستىك-شىعىسىنداعى شۋلان قالاسىندا جاعداي ءماز ەمەس. بۇل تۋرالى قازاقپارات حابارلايدى.
شۋلاندا (تسزيلين پروۆينتسياسى، سولتۇستىك-شىعىس قىتاي) 16 ادام كوروناۆيرۋس جۇقتىرعان (11 مامىر). جەرگىلىكتى باق-تىڭ حابارلاۋىنشا، بۇل ىندەتتىڭ قاۋىپتىلىگى شۋلان قالاسىندا كلاستەرلىك ينفەكتسيانىڭ كوزى ءالى انىقتالماۋىندا. بۇگىنگى تاڭدا شۋلان ەپيدەميولوگيالىق قاۋىپ-قاتەردىڭ جوعارى دەڭگەيى جاريالانعان قحر-داعى جالعىز قالا دەڭگەيىنە اينالدى.
قالاعا كارانتين ەنگىزىلىپ، ونىڭ تۇرعىندارى كوروناۆيرۋستىڭ ورشۋىنە بايلانىستى تولىق وقشاۋلانۋعا قايتا ورالدى.
«جالپى العاندا وتكەن تاۋلىكتە (2020 جىلدىڭ 11 مامىرداعى ساعات 24:00-دەگى جاعداي بويىنشا) قۇرلىقتىق قىتايدا بىردە-ءبىر كوروناۆيرۋس جۇقتىرۋ جاعدايى تىركەلمەگەن. ىندەتتەن قايتىس بولۋ وقيعاسى دا جوق»، - دەپ حابارلادى قحر دەنساۋلىق ساقتاۋ ىستەرى جونىندەگى مەملەكەتتىك كوميسسيا.
اۋرۋ جۇقتىرۋدىڭ جاڭا وقيعالارى سىرتتان اكەلىنگەن. كوروناۆيرۋستىڭ 15 سيمپتومسىز جاعدايى انىقتالعان. ەپيدەميا باستالعالى قۇرلىقتىق قىتايدا COVID-19 جۇقتىرعاندار سانى 82 919 ادام. 78 171 ادام قاۋىپتى ۆيرۋستان ەمدەلىپ، اۋرۋحانادان شىعارىلعان.
4633 ادام كوروناۆيرۋستان قايتىس بولعان. ەل اۋرۋحاناسىندا 115 ادام كوروناۆيرۋستان ەم قابىلداۋدا.
10 ناۋقاستىڭ جاعدايى اۋىر دەپ باعالانعان.
