ۋكراينا پرەزيدەنتى ۆلاديمير زەلەنسكي پەتر ۆرۋبلەۆسكيدى ۋكراينانىڭ قازاقستانداعى ەلشىسى قىزمەتىنەن بوساتتى، دەپ حابارلايدى "ادىرنا" ۇلتتىق پورتالى.
"پەتر يۋرەۆيچ ۆرۋبلەۆسكي ۋكراينانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلسىن", — دەلىنگەن جارلىق ماتىنىندە.
قۇجات ۋكراينا پرەزيدەنتىنىڭ رەسمي سايتىندا جاريالانعان.
ەستەرىڭىزگە سالا كەتەيىك، بۇعان دەيىن ۆرۋبلەۆسكي قازاقستاندىق بلوگەرلەردىڭ بىرىنە بەرگەن سۇحباتىندا كيەۆ رەجيمى "مۇمكىندىگىنشە كوپ رەسەيلىكتەردى ولتىرۋگە" كۇش سالىپ جاتقانىن مالىمدەگەن بولاتىن. ەلشىنىڭ بۇل مالىمدەمەسىنەن كەيىن رەسەي بيلىگى ۋكراينانىڭ قازاقستانداعى ەلشىسىن قازاقستان بيلىگى ەلدەن قۋىپ شىعۋى كەرەك تالاپ قويا باستادى. قازاقستان حالقى اسسامبلەياسىنىڭ مۇشەلەرى دە ۆرۋبلەۆسكيدىڭ بۇل ارەكەتىن ابەستىك ساناپ، ايىپتاعان ەدى.
"ادىرنا" ۇلتتىق پورتالى
