باقىتگۇل حامەنوۆانىڭ ىسىنە قاتىستى سوت وتىرىسى كەيىنگە قالدى. بۇعان ونىڭ ادۆوكاتىنىڭ سوت وتىرىسىنا قاتىسا المايتىنى سەبەپ بولدى. بۇل تۋرالى قازاقپارات حابارلادى، دەپ جازادى "ادىرنا" ۇلتتىق پورتالى.
بۇگىن، 27 قازاندا اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانىڭ ىسىنە قاتىستى كەزەكتى سوت وتىرىسى ءوتۋى ءتيىس ەدى. الايدا وتىرىس وتكەن جوق. بۇعان باقىتگۇل حامەنوۆانىڭ ادۆوكاتى يگور ۆرانچەۆتىڭ دەنساۋلىعىنا بايلانىستى سوت وتىرىسىنا كەلمەي قالۋى سەبەپ بولدى. ادۆوكات سۋدياعا سوت وتىرىسىن كەلەسى اپتاعا اۋىستىرۋ تۋرالى جازباشا ءوتىنىش تۇسىرگەن.
ايتا كەتسەك، وبلىستىق سوتتىڭ ءباسپاسوز قىزمەتىنىڭ اقپاراتىنا سۇيەنسەك، بيىلعى 26 مامىردا اتىراۋ قالاسىنىڭ №2 سوتىنا قىلمىستىق كودەكستىڭ 366-بابى 3-بولىگى 2-تارماعىمەن اتىراۋ وبلىسى اكىمىنىڭ ورىنباسارى باقىتگۇل حامەنوۆاعا، اتىراۋ وبلىسى مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى اقىلبەك رىسقاليەۆكە قر قىلمىستىق كودەكسىنىڭ 367-بابى 2-بولىگىمەن «ب» جشس ديرەكتورىنا قاتىستى قىلمىستىق ءىس ءتۇستى.
"ادىرنا" ۇلتتىق پورتالى
