رەسەي سەۆاستوپول پورتىنا جاسالعان شابۋىلعا جاۋاپ رەتىندە ۋكراينانىڭ اۋىلشارۋاشىلىق ونىمدەرىن شىعارۋدى قامتاماسىز ەتۋ ءۇشىن «استىق كەلىسىمىنە» قاتىسۋدى توقتاتادى. بۇل تۋرالى رەسەي فەدەراتسياسىنىڭ قورعانىس مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
توقتاتۋ ۋاقىتى انىقتالمادى، سەبەبى ولار «قارا تەڭىز فلوتى كەمەلەرىنە جانە ازاماتتىق كەمەلەرگە جاسالعان لاڭكەستىك شابۋىل» ونى ۇلىبريتانيانىڭ قولداۋىمەن ۋكرايندىق تاراپ جاسادى دەگەن بولجامىن جەتكىزدى.
«وسى تەرروريستىك اكتىنى دايىنداۋ جانە ۋكراينانىڭ 73-ءشى ارنايى تەڭىز وپەراتسيالارى ورتالىعىنىڭ اسكەري قىزمەتشىلەرىن وقىتۋ ۋكراينانىڭ نيكولاەۆ وبلىسىنىڭ وچاكوۆ قالاسىندا ورنالاسقان بريتاندىق مامانداردىڭ باسشىلىعىمەن جۇزەگە اسىرىلدى»، - دەدى رەسەي فەدەراتسياسىنىڭ قورعانىس مينيسترلىگىنىڭ رەسمي وكىلى يگور كوناشەنكوۆ.
رەسەي قورعانىس مينيسترلىگى سول بريتاندىق مامانداردى قىركۇيەك ايىندا «سولتۇستىك اعىنداردى» بۇزۋدى ۇيىمداستىردى دەپ ايىپتادى.
وسىدان بىرنەشە كۇن بۇرىن رەسەي قاراشا ايىنا جوسپارلانعان كەلىسىمدى ۇزارتۋ قاۋپى ءتونىپ تۇرعانىن مالىمدەگەن بولاتىن – كرەمل استىق ەكسپورتىنا ايىرباسقا سانكتسيالاردى الىپ تاستاۋدى تالاپ ەتتى. سونىمەن بىرگە، بۇۇ-نىڭ مالىمەتىنشە، بۇل كەلىسىم بۇكىل الەمدى استىقپەن قامتاماسىز ەتۋگە ءوز اسەرىن تيگىزدى.
