پرەزيدەنتتىككە كانديدات قاسىم-جومارت توقاەۆتىڭ رەسپۋبليكالىق قوعامدىق شتابىنىڭ مۇشەلەرى قاراعاندى وبلىسىنىڭ بيزنەس-قاۋىمداستىعىمەن، شاحتەرلەرىمەن جانە ستۋدەنت جاستارىمەن كەزدەسۋلەر وتكىزدى، دەپ جازادى "ادىرنا" ۇلتتىق پورتالى.
وڭىردەگى جۇمىس كەزىندە رقش مۇشەلەرى وبلىس كاسىپكەرلەرىمەن كەزدەستى. ولار قاسىم-جومارت توقاەۆتىڭ سايلاۋالدى باعدارلاماسى ادال باسەكەلەستىككە جاعداي جاساۋ ارقىلى مەملەكەتتىڭ ەكونوميكاعا ارالاسۋىن جوسپارلى تۇردە ازايتۋعا كەپىلدىك بەرەتىنىن اتاپ ءوتتى.
«2025 جىلعا قاراي مەملەكەتتىڭ ەكونوميكاداعى ۇلەسى 14%-دى قۇرايدى. ال، شاعىن جانە ورتا بيزنەستە جۇمىسپەن قامتىلعانداردىڭ سانى 4,7 ملن ادامعا دەيىن ارتادى. بيزنەستىڭ سۇرانىسىن ەسكەرە وتىرىپ، سالىق كودەكسى جانە مەملەكەتتىك ساتىپ الۋ تۋرالى زاڭ قايتا قارالادى. بارلىق جەردە تسيفرلاندىرۋ ءۇردىسى ەنگىزىلىپ، بۇل مەملەكەتتىك ورگاندار قابىلتايتىن شەشىمدەردىڭ اشىقتىعىن ارتتىرادى. ەكونوميكانىڭ دامۋىنا، قۇرىلىسقا قوماقتى قاراجات قۇيىلادى. بۇل شوب جۇمىسىنا مول مۇمكىندىك بەرەدى»، – دەدى رەسپۋبليكالىق قوعامدىق شتابتىڭ باسشىسى ەرلان قوشانوۆ.
ە. ا. بوكەتوۆ اتىنداعى قاراعاندى ۋنيۆەرسيتەتىنىڭ ستۋدەنتتەرىمەن جانە وقىتۋشى-پروفەسسورلار قۇرامىمەن كەزدەسۋدە رقش مۇشەلەرى قاسىم-جومارت توقاەۆتىڭ جاستارعا جانە ءبىلىم بەرۋگە قاتىستى ساياساتىنا باسا نازار اۋداردى. اتاپ ايتقاندا، كانديداتتىڭ سايلاۋالدى باعدارلاماسى بارلىق سالاداعى جاستاردىڭ بەلسەندىلىگىن ىنتالاندىرۋدى، ستيپەنديا مولشەرىن ۇلعايتۋدى جانە ستۋدەنتتىك جاتاقحانالارداعى ورىن تاپشىلىعى ماسەلەسىن شەشۋدى كوزدەيدى.
بۇدان كەيىن رقش مۇشەلەرى «كازاحستانسكايا» شاحتاسىنىڭ كەنجارىنا ءتۇسىپ، كەنشىلەرگە كانديداتتىڭ سايلاۋالدى باعدارلاماسىندا كورىنىس تاپقان ەڭبەك ادامىن قولداۋدىڭ نەگىزگى باسىمدىقتارى تۋرالى ءتۇسىندىردى.
قاسىم-جومارت توقاەۆ ادال جانە وندىرىستىك ەڭبەك قاشان دا باعالانۋى، قورعالۋى جانە لايىقتى قارجىلاندىرىلۋى ءتيىس دەپ بىرنەشە رەت مالىمدەگەنى اتاپ ءوتىلدى. كانديداتتىڭ باسىمدىعى – ەلىمىزدە ءتيىمدى يندۋستريالىق تىزبەك قالىپتاستىرۋ. وندا جوعارى دەڭگەيدە قايتا وڭدەلگەن ونىمدەر شىعارىلادى.
جۇمىس ىستەپ تۇرعان كاسىپورىندار ونىمدىلىك پەن باسەكەگە قابىلەتتىلىكتى ارتتىرۋ ماقساتىندا جاڭعىرتىلادى. كەم دەگەندە 150 ميلليارد دوللار كولەمىندە تىكەلەي شەتەلدىك ينۆەستيتسيا تارتىلادى.
بارلىق كەزدەسۋدە قاتىسۋشىلار كانديداتتىڭ رەفورمالارىنا بەلسەندى قولداۋ ءبىلدىرىپ، 20 قاراشادا وعان داۋىس بەرۋگە دايىن ەكەندەرىن مالىمدەدى.
وسى كۇنى رقش باسشىسى ەرلان قوشانوۆ ۇلى وتان سوعىسىنىڭ ارداگەرى، 99 جاستاعى ەسجان بۇركىتوۆتىڭ ۇيىنە باردى. قارتايعانىنا قاراماستان، اقساقال كانديداتتاردىڭ سايلاۋ ناۋقانىن ءجىتى باقىلاپ وتىرعانىن جەتكىزىپ، قاسىم-جومارت توقاەۆقا الداعى سايلاۋدا ساتتىلىك تىلەدى.
دايىنداعان: رەسپۋبليكالىق قوعامدىق شتاب استانا قالاسى، قوناەۆ 12/1.
تاپسىرىس بەرۋشى: م.ج. وسپانوۆ. قازاقستان رەسپۋبليكاسى پرەزيدەنتتىگىنە ۇمىتكەر ق.ك.توقاەۆتىڭ سايلاۋ قورىنان تولەندى.
