Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Qaraǵandy oblysynyń bıznes-qaýymdastyǵymen, shahterlerimen jáne stýdent jastarymen kezdesýler ótkizdi, dep jazady "Adyrna" ulttyq portaly.
Óńirdegi jumys kezinde RQSh músheleri oblys kásipkerlerimen kezdesti. Olar Qasym-Jomart Toqaevtyń saılaýaldy baǵdarlamasy adal básekelestikke jaǵdaı jasaý arqyly memlekettiń ekonomıkaǵa aralasýyn josparly túrde azaıtýǵa kepildik beretinin atap ótti.
«2025 jylǵa qaraı memlekettiń ekonomıkadaǵy úlesi 14%-dy quraıdy. Al, shaǵyn jáne orta bızneste jumyspen qamtylǵandardyń sany 4,7 mln adamǵa deıin artady. Bıznestiń suranysyn eskere otyryp, Salyq kodeksi jáne memlekettik satyp alý týraly zań qaıta qaralady. Barlyq jerde ıfrlandyrý úrdisi engizilip, bul memlekettik organdar qabyltaıtyn sheshimderdiń ashyqtyǵyn arttyrady. Ekonomıkanyń damýyna, qurylysqa qomaqty qarajat quıylady. Bul ShOB jumysyna mol múmkindik beredi», – dedi Respýblıkalyq qoǵamdyq shtabtyń basshysy Erlan Qoshanov.
E. A. Bóketov atyndaǵy Qaraǵandy ýnıversıtetiniń stýdentterimen jáne oqytýshy-professorlar quramymen kezdesýde RQSh músheleri Qasym-Jomart Toqaevtyń jastarǵa jáne bilim berýge qatysty saıasatyna basa nazar aýdardy. Atap aıtqanda, kandıdattyń saılaýaldy baǵdarlamasy barlyq saladaǵy jastardyń belsendiligin yntalandyrýdy, stıpendııa mólsherin ulǵaıtýdy jáne stýdenttik jataqhanalardaǵy oryn tapshylyǵy máselesin sheshýdi kózdeıdi.
Budan keıin RQSh músheleri «Kazahstanskaıa» shahtasynyń kenjaryna túsip, kenshilerge kandıdattyń saılaýaldy baǵdarlamasynda kórinis tapqan eńbek adamyn qoldaýdyń negizgi basymdyqtary týraly túsindirdi.
Qasym-Jomart Toqaev adal jáne óndiristik eńbek qashan da baǵalanýy, qorǵalýy jáne laıyqty qarjylandyrylýy tıis dep birneshe ret málimdegeni atap ótildi. Kandıdattyń basymdyǵy – elimizde tıimdi ındýstrııalyq tizbek qalyptastyrý. Onda joǵary deńgeıde qaıta óńdelgen ónimder shyǵarylady.
Jumys istep turǵan kásiporyndar ónimdilik pen básekege qabilettilikti arttyrý maqsatynda jańǵyrtylady. Kem degende 150 mıllıard dollar kóleminde tikeleı sheteldik ınvestıııa tartylady.
Barlyq kezdesýde qatysýshylar kandıdattyń reformalaryna belsendi qoldaý bildirip, 20 qarashada oǵan daýys berýge daıyn ekenderin málimdedi.
Osy kúni RQSh basshysy Erlan Qoshanov Uly Otan soǵysynyń ardageri, 99 jastaǵy Esjan Búrkitovtiń úıine bardy. Qartaıǵanyna qaramastan, aqsaqal kandıdattardyń saılaý naýqanyn jiti baqylap otyrǵanyn jetkizip, Qasym-Jomart Toqaevqa aldaǵy saılaýda sáttilik tiledi.
Daıyndaǵan: Respýblıkalyq qoǵamdyq shtab Astana qalasy, Qonaev 12/1.
Tapsyrys berýshi: M.J. Ospanov. Qazaqstan Respýblıkasy Prezıdenttigine úmitker Q.K.Toqaevtyń saılaý qorynan tólendi.
