قازاقستان پرەزيدەنتى قاسىم-جومارت توقاەۆ فرانتسيا پرەزيدەنتى ەممانۋەل ماكرونمەن فرانتسيادا تۇرىپ جاتقان قازاقستاندىق بانكير مۇحتار ءابليازوۆ اينالاسىنداعى جاعدايدى تالقىلايدى دەگەن اقپارات شەتەلدىك باق-تا تارادى. بۇل ماسەلەگە قاتىستى سىرتقى ىستەر ۆيتسە-ءمينيسترى رومان ۆاسيلەنكو پىكىر ءبىلدىردى.
«بۇل ماسەلە كوپتەگەن ەلدىڭ قۇقىق قورعاۋ ورگاندارىنىڭ ايرىقشا قۇزىرەتىنە تيەسىلى. اتالمىش ماسەلە ء(ابليازوۆتى فرانتسيادان ەلگە قايتارۋ – اۆت.) ساياسي دەڭگەيدە تالقىلانبايدى. ماسەلە سوت ورگاندارى مە قۇزىرلى ورگانداردىڭ قۇزىرەتىنە تيەسىلى. تەك قازاقستان ەمەس – ەۋروپا مەن اقش-تىڭ. وزدەرىڭىزگە بەلگىلى، ءابليازوۆ مىرزا قازاقستاندا قۇقىق بۇزعانى جانە جازىعى ءۇشىن 20 جىلعا باس بوستاندىعىنان ايىرىلعان»، – دەدى ءمينيستردىڭ ورىنباسارى ءماجىلىستىڭ جالپى وتىرىسىنان سوڭ.
ونىڭ ايتۋىنشا، قازاقستاندىق بانكيردى بتا بانكىنەن 4 ملرد دوللار ۇرلاعانى ءۇشىن لوندوننىڭ جوعارى سوتى دا ۇكىم شىعارعان.
“قازىر وعان قاتىستى باسقا دا سوت پروتسەستەرى اقش، ۇلىبريتانيا جانە فرانتسيادا ءجۇرىپ جاتىر. قازاقستان تاراپىنان سوت پروتسەسىنە قاتىسۋشى – بتا، الماتى اكىمدىگى جانە ادىلەت مينيسترلىگى. سوندىقتان بۇل زاڭ اياسىندا قارالاتىن ماسەلە. ول – ءابليازوۆ مىرزاعا قاتىستى ءىس تەرگەلىپ جاتقان ەلدەردىڭ قۇقىق قورعاۋ ورگاندارىنىڭ ءوزارا ءىس-قيمىلىنىڭ نىسانى. سوندىقتان بۇل ماسەلە ساياسي دەڭگەيدە تالقىلانبايدى”، – دەدى رومان ۆاسيلەنكو.
ايتا كەتەيىك، 29 قاراشادا مەملەكەت باسشىسى قاسىم-جومارت توقاەۆ رەسمي ساپارمەن فرانتسياعا باردى.