«تاراز» فۋتبولىنىڭ تۇلەگى، قازاقستان ۇلتتىق قۇراماسىنىڭ ويىنشىسى باقتيار زاينۋتدينوۆ رەسەيلىك "روستوۆ" كلۋبىنىڭ ويىنشىسى اتاندى.
2017 جىلى چەمپيوناتتىڭ ۇزدىك ويىنشىسى اتانعان باقتيار سول جىلى 25 قاراشادا "تارازدان" «استاناعا» اۋىستى. 2018 جىلى 23 ناۋرىزدا قازاقستان قۇراماسىنىڭ جەيدەسىندە تۇڭعىش رەت الاڭعا شىقتى. ۆەنگرياعا قارسى سول جولداستىق كەزدەسۋدە گول سوققان بولاتىن. بىلتىرعى ۋەفا ەۋروپا ليگاسىندا دا اتوي سالىپ، 6 ويىندا، 1 گول سوقتى. ۇلتتىق قۇراما ءۇشىن باقتيار ۋەفا اياسىنداعى ۇلتتار ليگاسىندا 6 ماتچقا قاتىستى. زاينۋتدينوۆ «استانا» ءۇشىن 35 ويىنعا قاتىسقان.
"روستوۆ" كلۋبىنىڭ پرەزيدەنتى ارتاشەس ارۋتيۋنيانتس پەن باس باپكەرى ۆالەري كارپين بۇگىن رەسمي تۇردە باقتياردى قۇتتىقتاپ، ساتتىلىك تىلەدى.
رەسەيلىك "ۋفا" كلۋبىندا تاعى ءبىر وتانداسىمىز ەركەبۇلان سەيداحمەت دوپ تەبەدى. تارازدىق قوس ويىنشىنىڭ رەسەي جەرىندەگى "جەكپە-جەگىن" جاقىندا كورىپ قالۋىمىز ابدەن مۇمكىن.
"ادىرنا" ۇلتتىق پورتالى
