«Taraz» fýtbolynyń túlegi, Qazaqstan ulttyq quramasynyń oıynshysy Baqtııar Zaınýtdınov reseılik "Rostov" klýbynyń oıynshysy atandy.
2017 jyly chempıonattyń úzdik oıynshysy atanǵan Baqtııar sol jyly 25 qarashada "Tarazdan" «Astanaǵa» aýysty. 2018 jyly 23 naýryzda Qazaqstan quramasynyń jeıdesinde tuńǵysh ret alańǵa shyqty. Vengrııaǵa qarsy sol joldastyq kezdesýde gol soqqan bolatyn. Byltyrǵy ÝEFA Eýropa Lıgasynda da atoı salyp, 6 oıynda, 1 gol soqty. Ulttyq qurama úshin Baqtııar ÝEFA aıasyndaǵy Ulttar Lıgasynda 6 matchqa qatysty. Zaınýtdınov «Astana» úshin 35 oıynǵa qatysqan.
"Rostov" klýbynyń Prezıdenti Artashes Arýtıýnıan pen bas bapkeri Valerıı Karpın búgin resmı túrde Baqtııardy quttyqtap, sáttilik tiledi.
Reseılik "Ýfa" klýbynda taǵy bir otandasymyz Erkebulan Seıdahmet dop tebedi. Tarazdyq qos oıynshynyń Reseı jerindegi "jekpe-jegin" jaqynda kórip qalýymyz ábden múmkin.
"Adyrna" ulttyq portaly
