Dubai qalasynda ötken jasöspırımder arasyndaǧy V Aziia Para oiyndary öz märesıne jettı. Jarys qorytyndysy boiynşa Qazaqstan qūramasy 68 medal jeŋıp aldy. Onyŋ ışınde 25 altyn, 23 kümıs jäne 20 qola jülde bar. Jalpy medaldyq esepte qazaqstandyq komanda 45 memlekettıŋ ışınde 5-şı orynǧa tūraqtady.
Atalǧan jarysta Qazaqstan atynan 60 sportşy 9 sport türı boiynşa synǧa tüstı. Jarys barysynda para jüzuden 34 medal, para qol küresınen 11 medal, para üstel tennisınen 7 medal, para jeŋıl atletikadan 6 medal jäne para pauerliftingten 6 medal jeŋıp alyndy.
Sonymen qatar golboldan ūlttyq qūrama altyn medalǧa, bochchadan kümıs medalǧa, al para taekvondodan bır kümıs jäne bır qola medalǧa qol jetkızdı. Para sadaq atudan Qazaqstan atynan bır sportşy qatysyp, būl sport türı boiynşa jülde tırkelgen joq.
«Jasöspırımder arasyndaǧy V Aziia Para oiyndarynda elımızdıŋ sportşylary jaqsy nätije körsettı. Būl jetıstık – memlekettık qoldaudyŋ, bapkerler men medisinalyq personaldyŋ, sondai-aq ata-analardyŋ bırlesken eŋbegınıŋ jemısı. Sonymen qatar, būl oiyndar jas sportşylar üşın halyqaralyq arenada täjıribe jinauǧa, halyqaralyq klassifikasiiadan ötuge jäne öz nätijelerın odan ärı jaqsartuǧa mümkındık beretın maŋyzdy jarys boldy», – dedı Dene mümkındıkterı şekteulı tūlǧalarǧa arnalǧan sporttyq daiarlau ortalyǧynyŋ sport basqarmasynyŋ basşysy Qairat Seitbekov.
Aita keteiık, jasöspırımder arasyndaǧy V Aziia Para oiyndary 10–13 jeltoqsan aralyǧynda Dubai qalasynda (BAÄ) öttı. Jarysqa 45 elden 1300-den astam sportşy qatysyp, 11 sport türı boiynşa 481 medal jiyntyǧy sarapqa salyndy.
