Qazaqstan älemdık sport arenasyndaǧy bedelın nyǧaityp keledı. 2025 jyldyŋ alǧaşqy segız aiynda otandyq sportşylar 912 medal jeŋıp aldy. Onyŋ ışınde 351-ı – altyn, 270-ı – kümıs, 291-ı – qola.
Jerlesterımız mūndai jetıstıkke memlekettıŋ sportqa jüielı qoldauynyŋ, jattyqtyruşylar qūramynyŋ orasan zor eŋbegınıŋ, sport federasiialarynyŋ üilesımdı jūmysynyŋ nätijesınde qol jetkızıp otyr. Būǧan qosa ūlttyq qūramaǧa şeteldık mamandardyŋ keluı jäne jaŋa ädıstemelerdıŋ engızıluı de maŋyzdy röl atqardy.
Biylǧy mausymdaǧy negızgı tarihi jeŋıster:
• Şort-trek – qysqy Aziia oiyndaryndaǧy alǧaşqy altyn;
• Fristail-mogul – älem chempionatynyŋ qola medalı;
• Fristail-akrobatika (sinhrondy sekıru) – qysqy Aziia oiyndaryndaǧy alǧaşqy altyn;
• Semserlesu – älem chempionatyndaǧy alǧaşqy tarihi medal;
• Körkem gimnastika – jasöspırımder arasyndaǧy älem chempionatyndaǧy alǧaşqy altyn;
• Dziudo – äielder arasyndaǧy älem chempionatyndaǧy tarihi final jäne alǧaşqy kümıs medal;
• Boks – World Boxing ūiymy aiasyndaǧy alǧaşqy älem chempionatynda jalpykomandalyq esepte 1-oryn;
• Mänerlep syrǧanau – 2025 jylǧy älem chempionatyndaǧy kümıs medal;
• Para biatlon – Älem kubogynyŋ qorytyndysy boiynşa Hrustal globustyŋ iegerı.
Otandastarymyz komandalyq sport türlerınde de maŋyzdy jetıstıkterge qol jetkızdı. Atap aitar bolsaq, «Qairat» futbol kluby alǧaş ret öz tarihynda Chempiondar ligasynyŋ negızgı kezeŋıne öttı. Al futzaldan «Qairat» komandasy UEFA Chempiondar ligasynyŋ kümıs jüldegerı atandy.
Segız aidaǧy jetıstıkter – otandyq sporttyŋ qarqyndy damyp kele jatqanynyŋ aiqyn körınısı. Endı sportşylardy Milan-2026 qysqy Olimpiia oiyndary aldynda jauapty mausym kütıp tūr. Būl jeŋıster Qazaqstannyŋ älemdık sporttaǧy bedelın odan ärı arttyra tüsedı.
