استانا قالاسى سارىارقا اۋداندىق №2 سوتىندا بەلگىلى وليگارح قايرات بورانباەۆقا قاتىستى سوت وتىرىسى باستالدى، دەپ جازادى "ادىرنا" ۇلتتىق پورتالى.
ەستەرىڭىزگە سالا كەتەيىك، 2022 جىلعى 17 ناۋرىزدا كاسىپكەر قايرات بورانباەۆ كۆازيمەملەكەتتىك سەكتوردا اسا ءىرى كولەمدە قارجى جىمقىردى دەگەن كۇدىكپەن قاماۋعا الىندى.
جۋىردا قارجىلىق مونيتورينگ اگەنتتىگى «ازياگازچۋندجا» جشس قۇرىلتايشىلارى قايرات بورانباەۆ پەن رومان ناحانوۆقا جانە «Qazaq Gaz» اق باسقارما توراعاسىنىڭ بۇرىنعى ورىنباسارى تاير جانۇزاققا قاتىستى ءىستى تەرگەۋدى اياقتاعان بولاتىن. ولارعا سۇيىتىلعان مۇناي گازىن ساتىپ الۋ كەزىندە 14,5 ملرد تەڭگە ۇرلاۋ جانە قىلمىستىق كىرىستەردى زاڭداستىرۋ فاكتىلەرى بويىنشا ايىپ تاعىلعان.
"ادىرنا" ۇلتتىق پورتالى
