كەشە، 13 قاڭتار كۇنى الماتى قالاسىنداعى سپورت جانە تۋريزم اكادەمياسىنىڭ سپورت زالىندا جۋرناليستەر اراسىنداعى باق ليگانىڭ جالاۋى كوتەرىلدى. "ايبىن", "تۇلپار", "نامىس", "بىرلىك", "قىران", "جىگەر" دەگەن التى كومانداعا بولىنگەن جۋرناليستەر، ەكى اينالىم ارقىلى شىن مىقتىنى انىقتاماق. وسى ءتۋرنيردىڭ باس دەمەۋشىسى، قازاقتىڭ سپورت جانە تۋريزم اكادەمياسىنىڭ رەكتورى قايرات زاكيريانوۆ اشىلۋ شاراسىنا قاتىسىپ، ءسوز سويلەدى. ايتىسكەر اقىن، "نامىس" كومانداسىنىڭ ويىنشىسى اسحات قىلىشبەك جىردان شاشۋ شاشتى. سوۆەت سەيىتۇلى، امانگەلدى سەيىتحانوۆ، اقىن وردابايۇلى، سرايىل سمايىل، شوقان ماحانوۆ، ەسەي جەڭىسۇلى، جاناربەك ءاشىمجان باستاعان الدىڭعى بۋىن اعالار كەيىنگى جاستارعا جازا بىلۋدەن بولەك، دوپتى قالاي تەبۋ كەرەكتىگىن دە ۇيرەتۋدە. وڭتۇستىك استانانىڭ قالامگەرلەرىن جيناعان ءدۇبىرلى دودا ەندى داستۇرگە اينالماق.
"ادىرنا" ۇلتتىق پورتالى
