باستى بەت
وزەكتى
رەسەيلىك پوليتسەيلەر بايقوڭىرداعى قازاقتاردى سوققىعا جىققان

رەسەيلىك پوليتسەيلەر بايقوڭىرداعى قازاقتاردى سوققىعا جىققان

24.01.2019

3059

https://adyrna.kz/content/uploads/2019/01/pol.jpg

ولاردىڭ سوزىنشە، پوليتسيا قىزمەتكەرلەرى سەبەپسىز ءتيىسىپ، ەكى جىگىتتى ساباپ تاستاعان. سوندىقتان قورقىپ قالدىق دەيدى. بۇل تۋرالى 31 ارنا حابارلادى.جاسۇلان قوجانتاەۆ ەسىمدى بايقوڭىرلىق جىگىت 5 كۇن بۇرىن دوستارىمەن بىرگە كەشكى ۋاقىتتا قىدىرىپ جۇرگەن. وسى كەزدە پوليتسەيلەر ونى جانە تاعى 3 جىگىتتى سەبەپسىزدەن سوققىعا جىعىپ، ساباپ تاستاعان. سالدارىنان بەتىندە ءتارتىپ ساقشىلارىنىڭ تاياعىنان ۇلكەن ىسىك قالىپتى.

اس جاسۇلاننىڭ اناسىنىڭ ايتۋىنشا، سوققىدان كەيىن جاراقات العان ۇلى بۇگىندە اۋرۋحانادا جاتىر.

«ۇرىپ-سوعىپ ىشكە اپارعاننان كەيىن: «ءبىز سەنى تاڭعا دەيىن ۇرىپ-سوعامىز نەمەسە وسى جەردەن شىعىپ، جاي عانا قۇلاپ قالعانىڭدى ايتاسىڭ»، – دەپ ايتقان»، – دەيدى اناسى ايزادا قوجانتاەۆا.

5 كۇن بۇرىن بايقوڭىرداعى پوليتسەيلەر سوققىنىڭ استىنا الدى دەگەن تاعى ءبىر ازامات – ماۋلەن سايلاۋباەۆ. ونىڭ سوزىنشە، بەت-اۋزىن تۇمشالاعان ءتارتىپ ساقشىلارى جۇمىستا جۇرگەن جەرىنەن الىپ كەتكەن.

«ناركولوگيالىق پوستتىڭ الدىندا كولىكتىڭ ءبىر جاعىنا تىعىپ ۇردى. جەرگە جاتقىزىپ، ۇردى»، – دەيدى ماۋلەن سايلاۋباەۆ.

«نەگە وسىنداي ىسكە جول بەرىلىپ وتىر؟ نەگە ءبىز، قازاقستان ازاماتتارى، ءوز ەلىمىزدە، ءوز جەرىمىزدە وتىرىپ، زارداپ شەگەمىز؟ نەگە بالالار وسىلاي زارداپ شەگەدى؟» – دەيدى جابىرلەنگەن جىگىتتىڭ اناسى عازيزا تاجىباەۆا.

تۇرعىندار مۇنداي جاعداي بۇعان دەيىن دە بولعانىن ايتىپ وتىر. سوراقىسى سول، ءتارتىپ ساقشىلارى ەل ازاماتتارىن قالانىڭ سىرتىنا شىعارىپ الىپ ساباعان كەزدەرى بولىپتى.

ال پرەزيدەنتتىڭ بايقوڭىرداعى وكىلىنىڭ ايتۋىنشا، بۇگىندە وسى جاعدايدىڭ ءمان-جايى انىقتالىپ جاتىر.

«18-19 قاڭتاردا ورىستاردا شوقىنۋ مەرەكەسى بولدى عوي. سوعان بايلانىستى ءتارتىپ كۇشەيتىلگەن. قۇجاتتاردى سۇراعان كەزدە ارالارىندا تەكەتىرەس بولعان»، – دەيدى سەرىك قوجانيازوۆ.

وكىل تاياق جەدىك دەگەن ازاماتتاردىڭ ءىسى تەكسەرىلىپ جاتقانىن مالىمدەدى. ال پوليتسەيلەردىڭ تەپكىسىندە ءجۇرمىز دەگەن تۇرعىندار ادىلدىك ءۇشىن اقىرىنا دەيىن بارماق.
"ادىرنا" ۇلتتىق پورتالى

Facebook - پاراقشامىزعا جازىلىڭىز!