Basty bet
Özektı
Reseilık poliseiler Baiqoŋyrdaǧy qazaqtardy soqqyǧa jyqqan

Reseilık poliseiler Baiqoŋyrdaǧy qazaqtardy soqqyǧa jyqqan

24.01.2019

3058

https://adyrna.kz/content/uploads/2019/01/pol.jpg

Olardyŋ sözınşe, polisiia qyzmetkerlerı sebepsız tiısıp, ekı jıgıttı sabap tastaǧan. Sondyqtan qorqyp qaldyq deidı. Būl turaly 31 arna habarlady.Jasūlan Qojantaev esımdı baiqoŋyrlyq jıgıt 5 kün būryn dostarymen bırge keşkı uaqytta qydyryp jürgen. Osy kezde poliseiler ony jäne taǧy 3 jıgıttı sebepsızden soqqyǧa jyǧyp, sabap tastaǧan. Saldarynan betınde tärtıp saqşylarynyŋ taiaǧynan ülken ısık qalypty.

As Jasūlannyŋ anasynyŋ aituynşa, soqqydan keiın jaraqat alǧan ūly bügınde auruhanada jatyr.

«Ūryp-soǧyp ışke aparǧannan keiın: «Bız senı taŋǧa deiın ūryp-soǧamyz nemese osy jerden şyǧyp, jai ǧana qūlap qalǧanyŋdy aitasyŋ», – dep aitqan», – deidı anasy Aizada Qojantaeva.

5 kün būryn Baiqoŋyrdaǧy poliseiler soqqynyŋ astyna aldy degen taǧy bır azamat – Mäulen Sailaubaev. Onyŋ sözınşe, bet-auzyn tūmşalaǧan tärtıp saqşylary jūmysta jürgen jerınen alyp ketken.

«Narkologiialyq posttyŋ aldynda kölıktıŋ bır jaǧyna tyǧyp ūrdy. Jerge jatqyzyp, ūrdy», – deidı Mäulen Sailaubaev.

«Nege osyndai ıske jol berılıp otyr? Nege bız, Qazaqstan azamattary, öz elımızde, öz jerımızde otyryp, zardap şegemız? Nege balalar osylai zardap şegedı?» – deidı jäbırlengen jıgıttıŋ anasy Ǧaziza Täjıbaeva.

Tūrǧyndar mūndai jaǧdai būǧan deiın de bolǧanyn aityp otyr. Soraqysy sol, tärtıp saqşylary el azamattaryn qalanyŋ syrtyna şyǧaryp alyp sabaǧan kezderı bolypty.

Al prezidenttıŋ Baiqoŋyrdaǧy ökılınıŋ aituynşa, bügınde osy jaǧdaidyŋ män-jaiy anyqtalyp jatyr.

«18-19 qaŋtarda orystarda şoqynu merekesı boldy ǧoi. Soǧan bailanysty tärtıp küşeitılgen. Qūjattardy sūraǧan kezde aralarynda teketıres bolǧan», – deidı Serık Qojaniiazov.

Ökıl taiaq jedık degen azamattardyŋ ısı tekserılıp jatqanyn mälımdedı. Al poliseilerdıŋ tepkısınde jürmız degen tūrǧyndar ädıldık üşın aqyryna deiın barmaq.
"Adyrna" ūlttyq portaly

Facebook - paraqşamyzǧa jazylyŋyz!