بەلگىلى اكتەر، قازاقستاننىڭ حالىق ءارتىسى تۇڭعىشباي جامانقۇلوۆ ارىستانبەك مۇحامەديۇلىمەن بولعان كيكىلجىڭ تۋرالى جاسىرماي ايتتى. بۇل تۋرالى ول نارتاي ارالبايۇلىنا بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
ء“بىز دە ەت پەن سۇيەكتەن جارالعان ادامبىز. جاسىرعانىم بولسا، “وزىڭە دە سول كەرەك” دەيتىن ەدىم، ال مۇندا ناقاقتان جالا جابىلىپ، “نە جازدىم؟” دەپ قاپالاندىم. قاتتى اۋىردىم، قينالدىم، اۋرۋحاناعا ءتۇستىم. دارىگەرلەر مەنىڭ كۇيزەلگەنىمدى كورىپ، وزدەرى تەراپيادان جۇيكە اۋرۋىن ەمدەيتىن بولىمگە اۋىستىردى. جىندىحانادا 15 كۇندەي جاتتىم. مەن ەمدەلىپ جاتقان كەزدە دە تەرگەۋشىلەر كەلىپ تەرگەدى. ولار ماعان قىسىم كورسەتتى. ماعان كوپ نارسەنى مويىنداتپاق بولدى”، – دەيدى حالىق ءارتىسى.
سونداي-اق، اكتەر مۇحامەديۇلىنىڭ الاياقتىق ىستەرىن دە جاسىرمادى.
“مەن – اكادەمياعا كەلگەن بىلىمگەرلەردى قابىلدايتىن ءبولىمنىڭ جەتەكشىسىمىن. وقۋعا كەلگەن ابيتۋريەنتتەر سانى كوپ. ءبىر ورىنعا ەلۋ ادامداي تالاسادى. سوندا ماعان “گرانتقا ءىلىنۋى ءتيىس” دەپ 11 ادامنىڭ ءتىزىمىن بەردى. مەن مۇنشا بالانى الا المايمىن، ۇلكەن، سىيلى ادامدار سۇراعان بولار، ارى كەتسە، ەكى بالانى الايىن دەدىم. ءسويتىپ تۇندەلەتىپ ەمتيحانىمدى اياقتاپ كەلە جاتسام، “سەن نەگە مەنىڭ ايتقانىمدى ورىندامايسىڭ؟” دەپ حابارلاسىپ تۇر. مەن جاعدايدى ءتۇسىندىردىم. ۋادە بەرگەن ەكى ادامدى الدىم، تىزىمدەگى بالالار كوڭىلىمنەن شىقپادى، ەرتەڭ ۇيات بولاتىنىن ايتتىم. سويتسەم، مەنى تىڭدامايدى. “مەنى سەن قۇرتامىن، شىعارىپ جىبەرەمىن. سەن كىمسىڭ سونشا؟” دەيدى رەكتور. سودان سوڭ مەن دە: “بىرىنشىدەن، ماعان “سەن” دەپ سويلەيسىڭ.
ەكىنشىدەن، مەن سەنىڭ باسىبايلى قۇلىڭمىن با؟ مەن قازاقستاننىڭ حالىق ءارتىسى، پروفەسسور تۇڭعىشباي جامانقۇلوۆ دەگەن اعاڭمىن. دىكىڭدەمەي ءسوز تىڭداسايشى” دەسەم، قويمايدى. “مەن سەنىڭ ورنىڭا باسقا بىرەۋدى الامىن” دەدى. مەن دە ەموتسيانىڭ ادامىمىن. تەلەفوننىڭ ارعى جاعىنان "كەتشى بار نا ..." دەدىم. ەرتەڭگى كۇنى جاعدايدى تۇسىندىرمەك بولىپ اكادەمياعا باردىم. رەكتور ءالى كەلمەپتى. ءبىر ۋاقىتتا كولىكتەن ءتۇسىپ جاتىر ەكەن. مەن بولعان جاعداي تۋرالى تۇسىنىسەيىك دەپ ۇسىنىس ايتتىم. ءوزىمدى كىرگىزبەي قويدى. بىرگە كىرىپ، كابينەتىڭدە سويلەسەيىك دەدىم. اماندىق-ساۋلىق جوق، ماعان ءبىر، انالارعا ءبىر قارادى دا: “مىنانى كىرگىزبەڭدەر” دەدى. تاعى شىمكەنتشە ءبىر بوقتادىم دا كەتىپ قالدىم”، – دەيدى اكتەر اعىنان جارىلىپ.
اكتەر مەن ارىستانبەك مۇحامەديۇلى اراسىنداعى تەكەتىرەس وسىلايشا باستالعان. تۇڭعىشباي جامانقۇلوۆتىڭ ايتۋىنشا، ول مينيستر بولعان سوڭ اكتەر تۇسىرمەك بولعان فيلمدەردى توقتاتىپ، قارجى بولمەي قويعان.
