نۇكىس وقيعاسى بويىنشا سوتتالعان پولات شامشەتوۆ قايتىس بولدى

2666
Adyrna.kz Telegram

نۇكىس وقيعاسى بويىنشا سوتتالعان پولات شامشەتوۆ قايتىس بولدى. بۇل تۋرالى gazeta.uz باسىلىمى حابارلادى، دەپ جازادى "ادىرنا" ۇلتتىق پورتالى. 

قاراقالپاقستان ءىىم قىلمىستىق ىزدەستىرۋ ءبولىمىنىڭ بۇرىنعى باستىعى، قاراقالپاقستاننىڭ تۇڭعىش جانە جالعىز پرەزيدەنتى داۋلەتباي شامشەتوۆتىڭ ۇلى پولات شامشەتوۆ 4 اقپاندا جۇرەك تالماسىنان قايتىس بولدى.

پولات شامشەتوۆ 45 جاستا ەدى. ول وتكەن جىلدىڭ شىلدەسىندە قاراقالپاقستانداعى تولقۋلاردان كەيىن بىرنەشە اي تۇرمەدە وتىردى. دەرەككوزدەردىڭ حابارلاۋىنشا، جەرلەۋ ءراسىمى دۇيسەنبىگە جوسپارلانعان.

2022 جىلدىڭ 2 شىلدەسىندە وعان " ادامداردى جاپپاي تارتىپسىزدىككە قاتىستىردى جانە ءوزى دە بەلسەندى قاتىستى» دەگەن ايىپ تاعىلدى.

سوت وتىرىسىندا ول تارتىپسىزدىك بولعان كۇنى كوشەدە "نە بولىپ جاتقانىن  ءوز كوزىممەن كورگىم كەلدى، سوندىقتان شىقتىم" دەپ مالىمدەدى.

بۇعان قاراماستان 31 قاڭتاردا سوت پولات شامشەتوۆتى جاپپاي تارتىپسىزدىكتەرگە قاتىسقانى ءۇشىن قىلمىستىق كودەكستىڭ 244-بابىنىڭ 3-بولىگى بويىنشا كىنالى دەپ تاۋىپ، ونى 6 جىلعا باس بوستاندىعىنان ايىردى.

"ادىرنا" ۇلتتىق پورتالى 

پىكىرلەر