تۇركياداعى بولعان جەر سىلكىنىسى كەزىندە بەلگىلى سپورتشى، تاەكۆوندودان 6 دان قارا بەلبەۋ يەگەرى مۇستافا وزتۇرىكتىڭ قارىنداستارى قايتىس بولدى، دەپ حابارلايدى “ادىرنا” ۇلتتىق پورتالى Qaz365.kz سايتىنا سىلتەمە جاساپ.
حاتاي پروۆينتسياسىنىڭ دەفنە ايماعىندا ەكى ەتنيكالىق قازاقتىڭ ءۇيىندى استىندا قالعانى انىقتالعان. ولار تۇركيادا تۋعان قازاق، بەلگىلى سپورتشى مۇستافا وزتۇرىكتىڭ تۋىستارى ەكەنى بەلگىلى بولدى. قوس قانداسىمىزدىڭ ەسىمى نۇراي قازاق جانە بۋشرا قازاق. اناسى مەن قىزىن تۋىستارى ستامبۇلدان الىپ شىققان.
نۇراي قازاق 57 جاستا بولعان. ول مۇستافا وزتۇرىكتىڭ ءىنىسى رۋستام وزتۇرىكتىڭ قىزى. قانداسىمىز ۇزاق ۋاقىت بويى يوردانيا ەلىندە تۇرىپ، حاتاي پروۆينتسياسىنا قونىس اۋدارعان. نۇرايدىڭ قىزى 31 جاستا بولعان. ءزىلزالادان قايتىس بولعان مارقۇمداردىڭ دەنەسى ستامبۇلدا جەرلەنەدى.
ءزىلزالا كەزىندە قازاقستاننىڭ 4 ازاماتىنىڭ جوعالىپ كەتكەنى ايتىلدى. كەيىن ولاردىڭ ۇشەۋى تابىلىپ، ەكەۋىنىڭ ءزىلزالا كەزىندە قايتىس بولعانى انىقتالدى.
