سارسەن قۇرانبەك قر مادەنيەت جانە سپورت ۆيتسە-ءمينيسترى بولىپ تاعايىندالدى. بۇل تۋرالى قر ۇكىمەتىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
"قازاقستان رەسپۋبليكاسى ۇكىمەتىنىڭ قاۋلىسىمەن سارسەن ابايۇلى قۇرانبەك قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى قىزمەتىنە تاعايىندالدى",- دەلىنگەن رەسمي حابارلامادا.
سارسەن قۇرانبەك 1976 جىلى جەتىسۋ وبلىسىندا تۋعان.
ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازاقتىڭ سپورت جانە تۋريزم اكادەمياسىن، قازتۇتىنۋوداعى قاراعاندى ەكونوميكالىق ۋنيۆەرسيتەتىن بىتىرگەن.
ەڭبەك جولىن 1995 جىلى «№ 4 وليمپيادالىق رەزەرۆتەگى مامانداندىرىلعان بالالار-جاسوسپىرىمدەر مەكتەبى» مكقك جاتتىقتىرۋشى-وقىتۋشىسى بولىپ باستادى.
2002-2004 جىلدارى – «№15 بالالار-جاسوسپىرىمدەر دەنە شىنىقتىرۋ كلۋبى» مكقك ديرەكتورى.
2004-2007 جىلدارى – «№ 4 بالالار-جاسوسپىرىمدەر سپورت مەكتەبى» مكقك ديرەكتورى.
2007-2009 جىلدارى – «الماتى قالاسىنىڭ دەنە شىنىقتىرۋ جانە سپورت باسقارماسى» مم باستىعىنىڭ ورىنباسارى.
2009-2010 جىلدارى – «رەسپۋبليكالىق سپورت كوللەدجى» رەسپۋبليكالىق مەملەكەتتىك قازىنالىق كاسىپورنى ديرەكتورىنىڭ ورىنباسارى.
2010-2011 جىلدارى – «قىسقى ازيا ويىندارى مەن وليمپيادا الاۋىنىڭ ەستافەتاسى جونىندەگى قالالىق ديرەكتسياسى» مكك ديرەكتورىنىڭ ورىنباسارى.
2012-2014 جىلدارى – «قازاقستان بارىسى» قازاق كۇرەسىن دامىتۋ قورى» قوعامدىق قورىنىڭ اتقارۋشى ديرەكتورى.2014 جىلى «قر سپورت جانە دەنە شىنىقتىرۋ ىستەرى اگەنتتىگى» مم توراعاسىنىڭ ورىنباسارى بولىپ تاعايىندالدى.
2014-2018 جىلدارى – «قر Qazaq kuresi فەدەراتسياسى» قاۋىمداستىق نىسانىنداعى زتب باس حاتشىسى.
2018-2022 جىلدارى – «قازاقستان شوگەن فەدەراتسياسى» قاۋىمداستىق نىسانىنداعى زتب باس حاتشىسى.
2022 جىلدىڭ اقپان ايىنان باستاپ وسى ۋاقىتقا دەيىن «قازاقستاننىڭ جاۋىنگەرلىك ونەر قاۋىمداستىعى» قاۋىمداستىق نىسانىندا زتب باس ديرەكتورى قىزمەتىن اتقاردى.
بۇعان دەيىن وسى لاۋازىمدى اتقارعان سەرىك ماراتۇلى جاراسباەۆ بەرىلگەن وتىنىشكە سايكەس قىزمەتىنەن بوساتىلدى.
"ادىرنا" ۇلتتىق پورتالى
