تۇركياداعى ءزىلزالا سالدارىنان 1858 بالا جەتىم قالدى. بۇل تۋرالى تۇركيانىڭ قازاقستانداعى ەلشىسى ۋفۋك ەكيدجي حابارلادى، دەپ جازادى "ادىرنا" ۇلتتىق پورتالى.
"رەسمي ستاتيستيكا بويىنشا تۇركياداعى جەر سىلكىنىسى سالدارىنان 1858 بالا جەتىم قالدى. 1645 بالانىڭ قۇجاتى تابىلدى. ونىڭ 1314-ءى تۋىستارىمەن بايلانىسا الدى. قالعان 213 بالانىڭ قۇجاتتارىن ءالى دە تابا الماي وتىرمىز", - دەدى ەلشى.
ونىڭ ايتۋىنشا، جەتىم قالعان بالالار قازىر مەملەكەت قامقورلىعىندا.
"شەتەل ازاماتتارى ءزىلزالادان امان قالعان بالالاردى اسىراپ الا المايدى. ەگەر بالالاردىڭ قۇجاتتارى تابىلىپ جاتسا، وندا ولار تۇركياداعى تۋىستارىنا قايتارىلادى", - دەدى ۋفۋك ەكيدجي.
"ادىرنا" ۇلتتىق پورتالى
