بيىلعى جىلدىڭ 23 اقپانىندا ازات پەرۋاشەۆ باستاعان «اق جول» دەمپارتياسىنىڭ رەسپۋبليكالىق شتابى 60-تان استام كولىك كومپانياسىنىڭ وكىلدەرىمەن كەزدەسۋ وتكىزدى.
دەمپارتيا ليدەرى پارتيانىڭ ساياسي باعدارلاماسىن تانىستىرىپ، باعدارلامانىڭ تولىق ماتىنىمەن پلاكاتتارداعى QR كودتى سكانەرلەۋ ارقىلى تانىسۋعا بولاتىنىن ايتتى. جەمقورلىققا قارسى كۇرەس پەن الەۋمەتتىك ادىلەتتىلىككە قاتىستى تارماقتارعا كاسىپكەرلەر ۇلكەن قىزىعۋشىلىق تانىتتى.
«اق جول» پارتياسى كاسىپكەرلەر پارتياسى رەتىندە ۇزاق جىلدار بويى جەكە كاسىپكەرلىكتى قولداۋ ساياساتىن جۇرگىزىپ كەلەدى. بۇل دەگەنىمىز مەملەكەتتەن ەشتەڭە سۇراماي، جۇمىس ورىندارىن اشىپ، سالىق تولەپ وتىرعان ادامداردى قولداۋ. بۇل ءبىز ءۇشىن ەڭ ماڭىزدى ماسەلە. سەبەبى، ەشكىمگە قارىزى جوق، ءوزىن-ءوزى قالىپتاستىرعان ادامدار عانا شەنەۋنىكتەرگە باس يمەي، ەركىندىكتى تالاپ ەتە الادى. ادال باسەكەلەستىك ءۇشىن كۇرەسەدى. ولار دەموكراتيانىڭ، نارىقتىق ەكونوميكانىڭ كەپىلى. قازاقستاننىڭ بولاشاعى ءدال وسى الەۋمەتتىك توپقا بايلانىستى دەپ ەسەپتەيمىز. ەركىن، دەموكراتيالىق مەملەكەت قۇرعىمىز كەلسە، ەركىن، تابىستى ادامداردى قولداۋىمىز كەرەك. ال بۇلار ءوزىن-ءوزى جاساعان ادامدار»، – دەپ باستادى ءسوزىن ازات پەرۋاشەۆ.
اشىق اڭگىمە بارىسىندا قازاقستان-قىتاي شەكاراسىنداعى ەلەكتروندى كەزەكتىڭ وزەكتى ماسەلەلەرى، اتاپ ايتقاندا، سىبايلاس جەمقورلىق، كىرۋ ءۇشىن كۇتۋ ۋاقىتىنىڭ ۇلعايۋى، تاسىمالداۋعا قاتىسى جوق كاسىپورىنداردىڭ ەلەكتروندى كەزەكتەگى ورىندارىنىڭ رەزەرۆى تۋرالى ايتىلدى. قتج Fast Road جوباسى بويىنشا جۇك تاسىمالداۋ كەزەگىن قامتاماسىز ەتۋدەگى اشىقتىقتىڭ جوقتىعى، قازاقستاندىق تاسىمالداۋشىلارعا شەتەلدىك رۇقسات بلانكىلەرىن بەرۋ پروبلەمالارى تۋرالى فاكتىلەر كەلتىرىلدى. شەكارادا تيەلگەن كولىكتەردىڭ توقتاپ قالۋىنا سەبەپ بولعان ساياسي پروبلەمالار دا نازاردان تىس قالمادى (پولشا-بەلارۋس شەكاراسىنىڭ جابىلۋى، ليتۆا تاراپىنىڭ شرب بەرۋدەن باس تارتۋى).
«5 كولىگىم قورعاستا ەلەكتروندى كەزەكتە تۇردى. مەنىڭ كەلىسىمىمسىز كەزەگىم جويىلدى. مۇنداي قادامعا بارعان ادامداردىڭ زاڭسىز ارەكەتتەرىنە ەشكىم جاۋاپ بەرمەيدى. ولار كەزەكتى جويۋمەن قاتار، نومىرلەردى دە تارتىپ الدى. سالدارىنان قاراپايىم حالىق زارداپ شەگۋدە. قازىر ءبىزدىڭ قازاقستاندىق كولىكتەردىڭ ءبارىن الىپ تاستادى، تەك بەلارۋس كولىكتەرى وتۋدە. جولىمىزدى بوگەمەكشى. مەن ەكسپورتپەن تۇرمىن، كۇنىنە 100 دوللار ايىپپۇل جازىلۋدا. مەن كولىكتى 20 كۇنگە قويىپ تاستاي المايمىن، تەك ءبىر كولىك ءۇشىن 1 ميلليون تولەۋىم كەرەك. مەنىڭ 5 كولىگىم بار جانە ارقايسىسىنا ايىپپۇل جازىلۋدا. موينىمدا كرەديتتەر مەن اناسىز ءوسىپ جاتقان ەكى ۇلىم بار. مەن جالعىزباستى اكەمىن. ولاردى كىم اسىرايدى؟ ەگەر مەملەكەتتەن جاردەماقى نە الەۋمەتتىك كومەك سۇراساق: «ساپ-ساۋ ادامسىڭ، نەگە جۇمىس ىستەمەيسىڭ؟» دەيدى، ال جۇمىس ىستەي باستاسام، جولىمىزدى بوگەيدى. ءبىز مەملەكەت تاراپىنان ادىلدىكتى تالاپ ەتەمىز. 77 كولىك زاڭسىز تىركەلگەن. بۇعان كىم جاۋاپ بەرەدى؟»، - دەدى جەكە كاسىپكەرلەردىڭ ءبىرى.
ءسوز العان وننان استام كاسىپكەر يندۋستريا مينيسترلىگىنىڭ ساياساتىن قاتاڭ سىنعا الىپ، شوب-تاعى وتاندىق جۇك تاسىمالداۋشىلاردىڭ قۇقىعىن ءىرى بەلارۋستىك جانە رەسەيلىك كومپانيالار پايداسىنا جىعىپ بەرگەنىن ايتتى. ۇسىنىستىڭ ءبىرى قازاقستاندىق جۇك كولىكتەرى مەن باسقا مەملەكەتتەردەن كەلەتىن جۇك كولىكتەرىنىڭ وتۋىنە 50/50 قاتىناسىن ورناتۋ تۋرالى بولدى. سونداي-اق «باقتى»، «دوستىق» جانە «قورعاس» باقىلاۋ-وتكىزۋ بەكەتتەرىندەگى بوپسالاۋدىڭ ناقتى مىسالدارى كەلتىرىلدى، جالپى ءتارتىپتى اينالىپ ءوتىپ، ەلەكتروندى كەزەكتى جىلجىتۋدىڭ اقىسى قانشا ەكەنى دە ايتىلدى: «بۇرىن ءبارىن بن باسقارادى، سوندىقتان ەشتەڭە ىستەي المايسىڭدار دەپ ايتاتىن. بن-ءدى باياعىدا الىپ تاستاعان، بىراق ەشتەڭە وزگەرگەن جوق». تەز بۇزىلاتىن جانە وسىمدىك ونىمدەرىن تاسىمالداۋشىلار فيتوسانيتارلىق سەرتيفيكاتقا قاتىستى ماسەلەلەردى كوتەردى; ەكسپورتتىق ونىمدەردى تاسىمالداۋشىلار كەدەندە اپتالاپ توقتاپ تۇراتىندىقتارىن جانە جەتكىزۋ مەرزىمىنىڭ بۇزىلاتىنىن جانە ت.ب. ماسەلەلەر تۋرالى ايتتى.
كاسىپورىن باسشىلارىنىڭ اراسىندا «اق جول» دەمپارتياسىنىڭ مۇشەلەرى بار بولىپ شىقتى، ولار ءوز پارتياسىنا قولداۋ ءبىلدىرىپ، ازات پەرۋاشەۆقا يندۋستريا مينيسترلىگى مەن قۇقىق قورعاۋ ورگاندارىنىڭ باسشىلىعىمەن اعىمداعى جاعدايدى تالقىلاۋدى ءۇشىن تىكەلەي كەزدەسۋ ۇيىمداستىرۋدى سۇرادى. ولاردىڭ كەيبىرەۋلەرى وسى سايلاۋعا ۇمىتكەر رەتىندە قاتىسۋدا، مىسالى، الماتى قالاسى ءماسليحاتىنىڭ دەپۋتاتتىعىنا ۇسىنىلعان وكسانا سوروكينا.
سونداي-اق، زالدا كولىك تاسىمالداۋشىلارىنىڭ قۇقىقتارىن قورعايتىن ادۆوكاتتار توبى وتىردى. ولار كەزەكتى رەتتەۋدە جانە جالپى سالادا جەمقورلىقتىڭ بار ەكەنىن جەتكىزدى.
ا.پەرۋاشەۆ پارلامەنتتە «اق جول» فراكتسياسى قۇرىلعاننان كەيىن حالىقارالىق كولىك تاسىمالى ماسەلەسى ۇكىمەت جانە اتالعان مينيسترلىكپەن تالقىلاناتىن العاشقى تاقىرىپ بولاتىنىنا ۋادە بەردى.
شاعىن جانە ورتا كولىك كومپانيالارىنىڭ ۇلكەن توبى «اق جول» پارتياسىنا كىرەتىندىكتەرىن جاريالادى.
ماتەريالدىڭ اقىسى «اق جول» دەموكراتيالىق پارتياسىنىڭ سايلاۋ قورىنان تولەندى.
