Biylǧy jyldyŋ 23 aqpanynda Azat Peruaşev bastaǧan «Aq jol» dempartiiasynyŋ respublikalyq ştaby 60-tan astam kölık kompaniiasynyŋ ökılderımen kezdesu ötkızdı.
Dempartiia liderı partiianyŋ saiasi baǧdarlamasyn tanystyryp, baǧdarlamanyŋ tolyq mätınımen plakattardaǧy QR kodty skanerleu arqyly tanysuǧa bolatynyn aitty. Jemqorlyqqa qarsy küres pen äleumettık ädılettılıkke qatysty tarmaqtarǧa käsıpkerler ülken qyzyǧuşylyq tanytty.
«Aq jol» partiiasy käsıpkerler partiiasy retınde ūzaq jyldar boiy jeke käsıpkerlıktı qoldau saiasatyn jürgızıp keledı. Būl degenımız memleketten eşteŋe sūramai, jūmys oryndaryn aşyp, salyq tölep otyrǧan adamdardy qoldau. Būl bız üşın eŋ maŋyzdy mäsele. Sebebı, eşkımge qaryzy joq, özın-özı qalyptastyrǧan adamdar ǧana şeneunıkterge bas imei, erkındıktı talap ete alady. Adal bäsekelestık üşın küresedı. Olar demokratiianyŋ, naryqtyq ekonomikanyŋ kepılı. Qazaqstannyŋ bolaşaǧy däl osy äleumettık topqa bailanysty dep esepteimız. Erkın, demokratiialyq memleket qūrǧymyz kelse, erkın, tabysty adamdardy qoldauymyz kerek. Al būlar özın-özı jasaǧan adamdar», – dep bastady sözın Azat Peruaşev.
Aşyq äŋgıme barysynda Qazaqstan-Qytai şekarasyndaǧy elektrondy kezektıŋ özektı mäselelerı, atap aitqanda, sybailas jemqorlyq, kıru üşın kütu uaqytynyŋ ūlǧaiuy, tasymaldauǧa qatysy joq käsıporyndardyŋ elektrondy kezektegı oryndarynyŋ rezervı turaly aityldy. QTJ Fast Road jobasy boiynşa jük tasymaldau kezegın qamtamasyz etudegı aşyqtyqtyŋ joqtyǧy, qazaqstandyq tasymaldauşylarǧa şeteldık rūqsat blankılerın beru problemalary turaly faktıler keltırıldı. Şekarada tielgen kölıkterdıŋ toqtap qaluyna sebep bolǧan saiasi problemalar da nazardan tys qalmady (Polşa-Belarus şekarasynyŋ jabyluy, Litva tarapynyŋ ŞRB beruden bas tartuy).
«5 kölıgım Qorǧasta elektrondy kezekte tūrdy. Menıŋ kelısımımsız kezegım joiyldy. Mūndai qadamǧa barǧan adamdardyŋ zaŋsyz äreketterıne eşkım jauap bermeidı. Olar kezektı joiumen qatar, nömırlerdı de tartyp aldy. Saldarynan qarapaiym halyq zardap şegude. Qazır bızdıŋ qazaqstandyq kölıkterdıŋ bärın alyp tastady, tek Belarus kölıkterı ötude. Jolymyzdy bögemekşı. Men eksportpen tūrmyn, künıne 100 dollar aiyppūl jazyluda. Men kölıktı 20 künge qoiyp tastai almaimyn, tek bır kölık üşın 1 million töleuım kerek. Menıŋ 5 kölıgım bar jäne ärqaisysyna aiyppūl jazyluda. Moinymda kreditter men anasyz ösıp jatqan ekı ūlym bar. Men jalǧyzbasty äkemın. Olardy kım asyraidy? Eger memleketten järdemaqy ne äleumettık kömek sūrasaq: «Sap-sau adamsyŋ, nege jūmys ıstemeisıŋ?» deidı, al jūmys ıstei bastasam, jolymyzdy bögeidı. Bız memleket tarapynan ädıldıktı talap etemız. 77 kölık zaŋsyz tırkelgen. Būǧan kım jauap beredı?», - dedı jeke käsıpkerlerdıŋ bırı.
Söz alǧan onnan astam käsıpker İndustriia ministrlıgınıŋ saiasatyn qataŋ synǧa alyp, ŞOB-taǧy otandyq jük tasymaldauşylardyŋ qūqyǧyn ırı belarustık jäne reseilık kompaniialar paidasyna jyǧyp bergenın aitty. Ūsynystyŋ bırı qazaqstandyq jük kölıkterı men basqa memleketterden keletın jük kölıkterınıŋ ötuıne 50/50 qatynasyn ornatu turaly boldy. Sondai-aq «Baqty», «Dostyq» jäne «Qorǧas» baqylau-ötkızu beketterındegı bopsalaudyŋ naqty mysaldary keltırıldı, jalpy tärtıptı ainalyp ötıp, elektrondy kezektı jyljytudyŋ aqysy qanşa ekenı de aityldy: «Būryn bärın BN basqarady, sondyqtan eşteŋe ıstei almaisyŋdar dep aitatyn. BN-dı baiaǧyda alyp tastaǧan, bıraq eşteŋe özgergen joq». Tez būzylatyn jäne ösımdık önımderın tasymaldauşylar fitosanitarlyq sertifikatqa qatysty mäselelerdı köterdı; eksporttyq önımderdı tasymaldauşylar kedende aptalap toqtap tūratyndyqtaryn jäne jetkızu merzımınıŋ būzylatynyn jäne t.b. mäseleler turaly aitty.
Käsıporyn basşylarynyŋ arasynda «Aq jol» dempartiiasynyŋ müşelerı bar bolyp şyqty, olar öz partiiasyna qoldau bıldırıp, Azat Peruaşevqa İndustriia ministrlıgı men qūqyq qorǧau organdarynyŋ basşylyǧymen aǧymdaǧy jaǧdaidy talqylaudy üşın tıkelei kezdesu ūiymdastyrudy sūrady. Olardyŋ keibıreulerı osy sailauǧa ümıtker retınde qatysuda, mysaly, Almaty qalasy mäslihatynyŋ deputattyǧyna ūsynylǧan Oksana Sorokina.
Sondai-aq, zalda kölık tasymaldauşylarynyŋ qūqyqtaryn qorǧaityn advokattar toby otyrdy. Olar kezektı retteude jäne jalpy salada jemqorlyqtyŋ bar ekenın jetkızdı.
A.Peruaşev parlamentte «Aq jol» fraksiiasy qūrylǧannan keiın halyqaralyq kölık tasymaly mäselesı ükımet jäne atalǧan ministrlıkpen talqylanatyn alǧaşqy taqyryp bolatynyna uäde berdı.
Şaǧyn jäne orta kölık kompaniialarynyŋ ülken toby «Aq jol» partiiasyna kıretındıkterın jariialady.
Materialdyŋ aqysy «Aq jol» demokratiialyq partiiasynyŋ sailau qorynan tölendı.
