بيلىك حالىقتى اسىراپ وتىر ما؟ حالىق بيلىكتى اسىراپ وتىر ما؟

2255
Adyrna.kz Telegram

كۇنى كەشە عانا ەڭبەك جانە حالىقتى الەۋمەتتىك قورعاۋ ءمينيسترى مادينا ابىلقاسىموۆا كوپ بالالى انالارعا 16 مىڭ تەڭگە كوپ دەپ قوعامدى شۋلاتقان بولاتىن. سويتسەك، ول ون التى مىڭ تەڭگەنىڭ ءوزىن ءار بالاعا ەمەس، بارىنە بىردەي بەرەتىن كورىنەدى.

سوسىن،  2018 جىلدان باستاپ ءتورت جانە ودان دا كوپ بالا ءۇشىن اي سايىنعى بەرىلەتىن  جاردەماقى جوق ەكەن. بىراقتا،  تۇرعىن ءۇي الۋعا كەزەككە تۇرعان كەزدە تەزىرەك الۋعا مۇمكىندىك بەرەتىن كورىنەدى.

اتى-ءجونىن اتاماۋدى سۇراعان كوپ بالالى انانىڭ ايتۋىنشا، ءتورتىنشى بالاسىن تۋعانى ءۇشىن وكىمەتتەن ءجۇز الپىس مىڭعا جۋىق اقشا الىپتى. 2018 جىلعا دەيىن ءتورتىنشى بالاسىن تۋعاندىقتان اي سايىن ون مىڭ بەس ءجۇز تەڭگەگە جۋىق اقشا الادى ەكەن.

ء"تورت بالانىڭ كەنجەسى ەكىگە تولماعان سەبەپتى جەكەمەنشىك بالا باقشاعا بارعانى ءۇشىن 25 مىڭ تەڭگە تولەيمىن اي سايىن. ودان ۇلكەنى مەملەكەتتىك بالا باقشاعا بارادى. وعان 18 مىڭ تەڭگە تولەيمىن. ۇلكەن ەكەۋى اي سايىن ماتەماتيكا مەن اعىلشىن ءتىلى ءپانىنىڭ ۇيىرمەسىنە بارادى. ارقايسىسى ءۇشىن 10 مىڭ تەڭگە. سوندا ەكەۋىنە ەكى ۇيىرمە ءۇشىن ايىنا 40 مىڭ تەڭگە تولەيمىن. اپتاسىنا 6 مىڭ تەڭگەگە پامپەرس الامىن. ايىنا 24 مىڭ تەڭگە كەتەدى. سوندا اي سايىنعى بالالاردىڭ تاماعى مەن كيىمىن، وقۋلىعى مەن داپتەرىن ەسەپتەمەگەندە ءجۇز مىڭنان اسا اقشا كەتەدى. مەملەكەتتىڭ بەرەتىن جاردەمى پامپەرسقا دا جەتپەيدى" دەيدى كوپ بالالى جاس انا.

ال، بەس بالالى اكە 2018 جىلدان كەيىن كوپا بالالى جانۇيا ستاتۋسى الىنىپ تاستالعاندىقتان بيلىكتەن ەشقانداي جاردەم اقى المايتىنىن ايتتى.

بالا ءبىزدىڭ بولاشاعىمىز دەيمىز. ءبىزدىڭ عانا ەمەس، مەملەكەتتىڭ بولاشاعى. ءوز بولاشاعىمىزدان ءوزىمىز اياساق ءبىز قانداي قوعام بولعانىمىز؟

جۇرتتىڭ ءبارىنىڭ ۋايىمى اي سايىنعى تولەيتىن نەسيەسى. رەسمي مالىمەت بويىنشا حالىق بانكتەرگە 6 تريلليونداي اقشا قارىز ەكەن.

بىلتىردان بەرى نەسيەنىڭ كولەمى 14 پايىزعا كوبەيگەن. ورتا ەسەپپەن ءاربىر بورىشكەر بانككە 900 مىڭ تەڭگەدەن قارىز.  بىراق، ەلىمىزدە 1 جارىم ميلليوننان استام ادام نەسيەسىن ۋاقىتىلى تولەي الماي ءجۇر ەكەن. ال، قازاقستاندىقتاردىڭ بانك الدىنداعى بەرەشەگى ءالى دە ەسەلەنەدى دەگەن ساراپشىلار،  قارىز كولەمىنىڭ ۇلعايۋى تۇرمىستىق جاعدايمەن تىعىز بايلانىستى دەيدى.

كتك ارناسىنا بەرگەن سۇحباتىندا ەكونوميست ايدار الىباەۆ "6 تريلليون تەڭگە كوڭىل قۋانتارلىق جاعداي ەمەس. ەلىمىزدە تۇرمىس دەڭگەيى قۇلدىراپ، جۇمىسسىزدىق جايلاپ جاتىر. سوندىقتان تابىسى شىعىسىنا جەتپەگەن قاراپايىم حالىق بانكتەردەن قارىز الۋعا ءماجبۇر بولادى. مويىندارىنا ەكى-ۇشتەن تۇتىنۋشىلىق نەسيەنى ارقالاعاندار بار" دەپ پىكىر بىلدىرگەن بولاتىن.

نەسيەدەن بولەك اكىمشىلىك ايىپپۇلدار دا حالىقتىڭ قالتاسىن قاعىپ تۇر. مىسالى، جول پاترۋلدىك پوليتسياسىنىڭ ەڭ تومەنگى ايىپپۇلى 1 ايلىق ەسەپتىك مولشەرىنىڭ  كورسەتكىشى بولىپ تابىلادى. ول دەگەنىڭىز 2525 تەڭگە. سوڭعى كەزدە بيۋدجەتتىڭ جىرتىعىن جاماپ وتىرعان دا وسى ايىپپۇلدار.

بۇدان دا قيىن كۇنى تويعا بارعانبىز دەگەن حالىقتىڭ پسيحولوگياسى مەن بارعا شۇكىرلىگى مەملەكەتتىڭ نەگىزگى ۇستىنىن ۇستاپ تۇر. بيلىك پەن حالىق ءبىر جاعادان باس، ءبىر جەڭنەن قول شىعارىپ بىرىگىپ ءىس قىلماسا، سىرتقى فاكتورلاردىڭ ىشكى ساياساتقا اسەر ەتەرى ءسوزسىز.

وڭعار قابدەن

"ادىرنا" ۇلتتىق پورتالى

 

پىكىرلەر