Bılik halyqty asyrap otyr ma? Halyq bılikti asyrap otyr ma?

2258
Adyrna.kz Telegram

Kúni keshe ǵana Eńbek jáne halyqty áleýmettik qorǵaý mınıstri Madına Ábilqasymova kóp balaly analarǵa 16 myń teńge kóp dep qoǵamdy shýlatqan bolatyn. Sóıtsek, ol on alty myń teńgeniń ózin ár balaǵa emes, bárine birdeı beretin kórinedi.

Sosyn,  2018 jyldan bastap tórt jáne odan da kóp bala úshin aı saıynǵy beriletin  járdemaqy joq eken. Biraqta,  turǵyn úı alýǵa kezekke turǵan kezde tezirek alýǵa múmkindik beretin kórinedi.

Aty-jónin atamaýdy suraǵan kóp balaly ananyń aıtýynsha, tórtinshi balasyn týǵany úshin ókimetten júz alpys myńǵa jýyq aqsha alypty. 2018 jylǵa deıin tórtinshi balasyn týǵandyqtan aı saıyn on myń bes júz teńgege jýyq aqsha alady eken.

"Tórt balanyń kenjesi ekige tolmaǵan sebepti jekemenshik bala baqshaǵa barǵany úshin 25 myń teńge tóleımin aı saıyn. Odan úlkeni memlekettik bala baqshaǵa barady. Oǵan 18 myń teńge tóleımin. Úlken ekeýi aı saıyn matematıka men aǵylshyn tili pániniń úıirmesine barady. Árqaısysy úshin 10 myń teńge. Sonda ekeýine eki úıirme úshin aıyna 40 myń teńge tóleımin. Aptasyna 6 myń teńgege pampers alamyn. Aıyna 24 myń teńge ketedi. Sonda aı saıynǵy balalardyń tamaǵy men kıimin, oqýlyǵy men dápterin eseptemegende júz myńnan asa aqsha ketedi. Memlekettiń beretin járdemi pampersqa da jetpeıdi" deıdi kóp balaly jas ana.

Al, bes balaly áke 2018 jyldan keıin kópa balaly januıa statýsy alynyp tastalǵandyqtan bılikten eshqandaı járdem aqy almaıtynyn aıtty.

Bala bizdiń bolashaǵymyz deımiz. Bizdiń ǵana emes, memlekettiń bolashaǵy. Óz bolashaǵymyzdan ózimiz aıasaq biz qandaı qoǵam bolǵanymyz?

Jurttyń báriniń ýaıymy aı saıynǵy tóleıtin nesıesi. Resmı málimet boıynsha halyq bankterge 6 trıllıondaı aqsha qaryz eken.

Byltyrdan beri nesıeniń kólemi 14 paıyzǵa kóbeıgen. Orta eseppen árbir boryshker bankke 900 myń teńgeden qaryz.  Biraq, elimizde 1 jarym mıllıonnan astam adam nesıesin ýaqytyly tóleı almaı júr eken. Al, qazaqstandyqtardyń bank aldyndaǵy bereshegi áli de eselenedi degen sarapshylar,  qaryz kóleminiń ulǵaıýy turmystyq jaǵdaımen tyǵyz baılanysty deıdi.

KTK arnasyna bergen suhbatynda ekonomıst Aıdar Álibaev "6 trıllıon teńge kóńil qýantarlyq jaǵdaı emes. Elimizde turmys deńgeıi quldyrap, jumyssyzdyq jaılap jatyr. Sondyqtan tabysy shyǵysyna jetpegen qarapaıym halyq bankterden qaryz alýǵa májbúr bolady. Moıyndaryna eki-úshten tutynýshylyq nesıeni arqalaǵandar bar" dep pikir bildirgen bolatyn.

Nesıeden bólek ákimshilik aıyppuldar da halyqtyń qaltasyn qaǵyp tur. Mysaly, jol patrýldik polıııasynyń eń tómengi aıyppuly 1 aılyq eseptik mólsheriniń  kórsetkishi bolyp tabylady. Ol degenińiz 2525 teńge. Sońǵy kezde bıýdjettiń jyrtyǵyn jamap otyrǵan da osy aıyppuldar.

Budan da qıyn kúni toıǵa barǵanbyz degen halyqtyń psıhologııasy men barǵa shúkirligi memlekettiń negizgi ustynyn ustap tur. Bılik pen halyq bir jaǵadan bas, bir jeńnen qol shyǵaryp birigip is qylmasa, syrtqy faktorlardyń ishki saıasatqa áser eteri sózsiz.

Ońǵar Qabden

"Adyrna" ulttyq portaly

 

Pikirler