Qazaqstanda Resei äskeri-tarihi qoǧamynyŋ qūrylymdary men ökılettıkterı joq. Būl turaly «Euraziialyq monitoring» saraptamalyq zertteuler ortalyǧynyŋ direktory, RÄTQ-tyŋ Qazaqstandaǧy ökılı Älıbek Täjıbaev mälımdedı, dep habarlaidy «Adyrna» tılşısı.
Ol qazırgı taŋda äleumettık jelıde jalǧan aqparat tarap jürgenın atap öttı.
«Menıŋ basty mındetım — qazaq halqynyŋ Ūly Otan soǧysyndaǧy erlıkterı turaly aqparatty halyqaralyq deŋgeige şyǧaru, jaŋa mūraǧattyq materialdardy anyqtau, ūmyt qalǧan batyrlardyŋ esımderın qalpyna keltıru jäne būl derekterdı ǧylymi jäne käsıbi deŋgeide jariia etu. Būl — tek tarihi-mädeni missiia, onyŋ eşqandai saiasi astary joq», — dedı ol.
Sondai-aq Täjıbaev Reseidıŋ äskeri-tarihi qoǧamynyŋ ökıldıgımen yntymaqtastyq jasau öteusız negızde jüzege asyrylatynyn mälımdedı. Sözınşe, būl bırqatar elde qoldanylatyn resmi qoǧamdyq ökılder modelıne negızdelgen.
Resmi ökıl köpşılıktı aqparatty obektivtı qabyldauǧa şaqyryp, aqparattyq manipuliasiialarǧa qatysudan saq boluǧa ündedı.
Būǧan deiın Mäjılıs deputaty Ermūrat Bapi elımızde Reseidıŋ äskeri-tarihi muzeiınıŋ filialynyŋ aşyluy töŋıregındegı jaǧdaidy synǧa alyp, Qazaqstanda Ūlttyq qaru-jaraq muzeiın aşudy ūsynǧan bolatyn.
