1 ناۋرىزدا «ينۆەستيتسيا الىپپەسى» كىتابىنىڭ تانىستىرىلىمى بولادى. تۇساۋكەسەر الماتى قالاسى، گوگول 58 مەكەنجايىندا ساعات 19:00-دە وتەدى.
كىتاپ اۆتورلارى: ەرقانات ابەني، باۋىرجان شۋرمانوۆ، ەربول ازانبەك «ينۆەستيتسيا نەگىزدەرى، تاۋەكەلدەر» تاقىرىبىندا ءدارىس وقيدى.
كىتاپ ۋنيۆەرسيتەتتەرگە تەگىن تاراتىلادى. وقۋ ورىندارىنا الماتىدان الىپ كەتۋگە بولادى. ول ءۇشىن Talentcorpkz@gmail.com پوشتاسىنا جازساڭىز بولدى (وقۋ ورنىن كورسەتىڭىز، سودان كەيىن سىزگە كىتاپتاردى الىپ كەتۋگە بولاتىن مەكەن-جاي مەن بايلانىس دەرەكتەرى جىبەرىلەدى)
اۆتورلاردىڭ ايتۋىنشا، بۇل جوبا كوممەرتسيالىق ەمەس، ول جاستاردىڭ قارجىلىق ساۋاتتىلىعىنا بەي-جاي قارامايتىن ازاماتتاردىڭ دەمەۋشىلىگىنىڭ ارقاسىندا جۇزەگە اسقان. ءوز كەزەگىندە «ينۆەستيتسيالىق الىپپەسى. اقشانى قالاي كوبەيەمىز؟» ينۆەستيتسيا تۋرالى قازاق تىلىندەگى (جاڭادان باستاۋشىلارعا ارنالعان) تۇڭعىش كىتاپ بولدى.
سونداي-اق كىتاپ «مەلومان» ينتەرنەت-دۇكەنىنىڭ جەلىسىنە ءتۇسىپ، وزىندىك قۇنىنان تومەن، بار بولعانى 990 تەڭگەدەن ساتىلۋدا.
ەندى كىتاپتىڭ ءوزى تۋرالى.
«ينۆەستيتسيا الىپپەسى. اقشانى قالاي كوبەيتەمىز؟» بارلىعىنا تۇسىنىكتى، قاراپايىم تىلدە جازىلعان پراكتيكالىق نۇسقاۋلىق. اۆتورلار 87 ينۆەستيتسيالىق كىتاپتى تالداپ، قوعامدىق پىكىر كوشباسشىلارىمەن كەزدەسكەن، Forbes Kazakhstan وكىلدەرىنەن ينۆەستيتسيالاۋ پرينتسيپتەرى، اقشاعا دەگەن كوزقاراسى تۋرالى سۇراپ، سونىمەن قاتار ترەيدينگتەگى جەكە تاجىريبەلەرىمەن بولىسكەن.
بۇل قارجىلىق ساۋاتتىلىق پەن زامانداستارىمىزدىڭ ومىرىنەن الىنعان مىسالدار مەن تاجىريبەگە سۇيەنىپ جازىلعان قازاقستانداعى العاشقى ىرگەلى ەڭبەك.
كىتاپتا ءسىز ينۆەستيتسيالاۋدىڭ قاراپايىم تاسىلدەرىن، اقشانى كوبەيتۋدىڭ، قاراجاتىڭىزدى جوسپارلاۋدىڭ جانە بيرجالىق ساۋدانىڭ ءارتۇرلى قۇرالدارىن تابا الاسىز، ولاردى كەز كەلگەن ادام، كەز كەلگەن جەردە پايدالانا الادى.
اۆتورلاردىڭ ايتۋىنشا، كىتاپ بەتتەرى جاڭادان باسىلعان امەريكاندىق دوللارلاردىڭ ءيىسى بار ارنايى يىسسۋلارمەن وڭدەلگەن.
