"جۇرەگى قازاق دەپ سوعادى ەكەن": جەلىدە قوشانوۆتىڭ دومبىرا تارتقان ۆيدەوسى تارادى (ۆيدەو)

7217
Adyrna.kz Telegram

الەۋمەتتىك جەلىدە AMANAT پارتياسىنىڭ توراعاسى ەرلان قوشانوۆتىڭ دومبىرا تارتقان ۆيدەوسى جاريالانىپ، كوپتى ءتانتى ەتتى. بۇل تۋرالى "ادىرنا" ۇلتتىق پورتالى جازادى.

بەلگىلى بولعانداي، 2018 جىلى قوشانوۆ قاراعاندى وبلىسى اكىمى بولىپ جۇرگەن كەزىندە جاس اقىندارمەن كەزدەسىپ، جينالعاندارعا تولەگەن مومبەكوۆتىڭ "سالتانات" كۇيىن تارتىپ بەرگەن ەكەن.

ارادا 5 جىل وتكەننەن كەيىن جەلىدە تاراعان ۆيدەونى كورگەن جەلى قولدانۋشىلارى سەگىز قىرلى ءبىر سىرلى ساياساتكەردىڭ ونەرىنە جوعارى باعا بەرىپ، جىلى لەبىزدەرىن ارناۋدا.

"بارەكەلدى! مىنە، ناعىز قازاق!", "ۇلتتى وسىنداي ۇلتشىلدار العا جەتەلەۋى كەرەك. قانداي شەرتىس! تولعانىپ وتىرعان وتىرىستى ايتساڭشى", "ەلدى وسىنداي قازاقى ءيىس شىعىپ تۇراتىن ەرلەر باسقارۋى ءتيىس. ەندى ءتىلىمىزدى تۇعىرىنا قوندىرساق", "سالتانات كۇيىن جالپى قازاقتىڭ كۇيلەرىن ناقىشىنا كەلتىرە ورىنداۋ جۇرەگى قازاق دەپ سوعاتىن ادامنىڭ قولىنان كەلەدى"," ناعىز ەلىم دەگەن اردا ازامات",- دەپ جازدى ولار.

"ادىرنا" ۇلتتىق پورتالى 

پىكىرلەر