Äleumettık jelıde AMANAT partiiasynyŋ töraǧasy Erlan Qoşanovtyŋ dombyra tartqan videosy jariialanyp, köptı täntı ettı. Būl turaly "Adyrna" ūlttyq portaly jazady.
Belgılı bolǧandai, 2018 jyly Qoşanov Qaraǧandy oblysy äkımı bolyp jürgen kezınde jas aqyndarmen kezdesıp, jinalǧandarǧa Tölegen Mombekovtyŋ "Saltanat" küiın tartyp bergen eken.
Arada 5 jyl ötkennen keiın jelıde taraǧan videony körgen jelı qoldanuşylary segız qyrly bır syrly saiasatkerdıŋ önerıne joǧary baǧa berıp, jyly lebızderın arnauda.
"Bärekeldı! Mıne, naǧyz qazaq!", "Ūltty osyndai ūltşyldar alǧa jeteleuı kerek. Qandai şertıs! Tolǧanyp otyrǧan otyrysty aitsaŋşy", "Eldı osyndai qazaqy iıs şyǧyp tūratyn erler basqaruy tiıs. Endı tılımızdı tūǧyryna qondyrsaq", "Saltanat küiın jalpy qazaqtyŋ küilerın naqyşyna keltıre oryndau jüregı qazaq dep soǧatyn adamnyŋ qolynan keledı"," Naǧyz elım degen arda azamat",- dep jazdy olar.
"Adyrna" ūlttyq portaly
