Memleket basşysy Qasym-Jomart Toqaev Türkımenstan prezidentı Serdar Berdımūhamedovpen kezdesu ötkızdı. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaev Serdar Berdımūhamedov jäne bauyrlas türıkmen halqyn aituly data – Türkımenstannyŋ tūraqty beitaraptyǧyna 30 jyl toluymen qūttyqtady.
Memleket basşysy mereilı sätke orai ūiymdastyrylǧan halyqaralyq forumda köterıletın mäselelerdıŋ maŋyzyn atap öttı.
«Aşhabad sekıldı körkem şaharǧa şaqyrǧanyŋyz üşın rizaşylyǧymdy bıldıremın. Mūnda kelgen saiyn qonaqjai peiılderıŋızdı, tuystyq ärı dostyq köŋılderıŋızdı sezınemız. Erteŋgı forum özıne jüktelgen mındettı tolyq atqaryp şyǧatynyna jäne halyqaralyq qatynastar tarihynda aituly uaqiǧa bolatynyna senımdımın. Öitkenı būl jiynda beibıtşılık, beitaraptylyq jäne senım sekıldı eŋ özektı taqyryptar qozǧalady. Qazırgı älemge jetpei tūrǧany da osy qūndylyqtar»,– dedı Qasym-Jomart Toqaev.
Taraptar ekıjaqty qarym-qatynasty damytu perspektivasyn talqylady. Serdar Berdımūhamedovtıŋ taiauda Astanaǧa jasaǧan memlekettık sapary kezınde qol jetkızılgen uaǧdalastyqtardy jüzege asyru barysyna airyqşa män berıldı. Öz kezegınde Türkımenstan prezidentı Memleket basşysymen Aşhabad qalasynda jüzdeskenıne quanyşty ekenın jetkızdı.
«Osy halyqaralyq deŋgeidegı forumǧa qatysu arqyly sız beibıtşılıktı, senım men özara tüsınıstıktı nyǧaituǧa beiıl ekenıŋızdı körsetıp otyrsyz. Halyqaralyq beibıtşılık jäne senım forumyna şaqyruymdy qabyl alǧanyŋyz üşın alǧys aitamyn. Özıŋızben türıkmen jerınde kezdesu bız üşın zor märtebe»,- dedı Serdar Berdımūhamedov.
Memleketter basşylary özara sauda kölemın arttyru, ekonomikalyq bailanystardy küşeitu, energetika, kölık-logistika jäne auyl şaruaşylyǧy salalarynda bırlesken jobalardy jüzege asyru mäselelerın qarastyrdy.
Būdan aldyn Türkımenstan beitaraptyǧynyŋ 30 jyldyǧyna arnalǧan halyqaralyq şoluǧa barǧan Qazaqstan prezidentı Qasym-Jomart Toqaevty äuejaida Türkımenstan Halyq mäslahaty alqasynyŋ basşysy, eks-prezident Qūrbanǧūly Berdımūhammedov qarsy alyp, äuejaida ekeuara elder qatynasy turaly pıkır almasqan bolatyn.
