Prezident Qasym-Jomart Toqaev Astanada ötıp jatqan älemdık jäne dästürlı dınder liderlerınıŋ 8 sezınde adamzattyŋ köptegen gumanitarlyq syn-qatermen betpe-bet kelıp otyrǧanyn aitty, dep habarlaidy «Adyrna» tılşısı.
Memleket basşysynyŋ paiymdauynşa, dıni konfessiialar qai zamanda da adamdarǧa türlı qiyndyqtar men tauqymetterdı eŋseruge kömektesken. Sondyqtan adamnyŋ ruhani qajettılıgı turaly söz qozǧalǧanda, onyŋ dünielık mūqtajdyqtaryn da qaperden şyǧaruǧa bolmaidy.
– Eleulı jetıstıkterge qaramastan, adamzat köptegen gumanitarlyq syn-qatermen betpe-bet kelıp otyr. Milliondaǧan adamdar aştyqtan, ındetten, qorşaǧan ortanyŋ azyp-tozuynan jäne klimat özgerısınen zardap şegude. Qazaqstan kedeilıktı azaituǧa, ekologiialyq problemalardy şeşuge jäne gumanitarlyq kömek körsetuge aitarlyqtai küş-jıger jūmyldyrady. Būl mäselelerdı kelesı jyly säuır aiynda Astanada ötetın Ekologiia jäne ornyqty damu öŋırlık sammitınde talqylau josparlanǧan. Elımız – mūsylman älemınıŋ qiyr soltüstıktegı eŋ ülken aimaǧy. Otyz jyl būryn bız İslam yntymaqtastyǧy ūiymynyŋ müşesı atandyq. Osy bedeldı bırlestık aiasynda Qazaqstan Azyq-tülık qauıpsızdıgı jönındegı islam ūiymynyŋ qūryluyna bastamaşy boldy. Dın qairatkerlerı ärqaşan adamdardy jıgerlendırıp, igı ıs jasauǧa, joq-jıtıkke järdemdesuge şaqyrady. Dıni qauymdar gumanitarlyq missiialar men erıktıler baǧdarlamasyn ıske qosyp, mektep pen auruhana aşady. Jastar men äleumettık älsız toptarǧa qamqorlyq körsetıp, klimat pen migrasiia mäselesın qozǧaidy. Būl XXI ǧasyrda da dınnıŋ jasampaz küşke ie ekenın taǧy bır däleldeidı. Onyŋ mümkındıgın tolyq paidalanu qajet, – dedı Prezident.
Memleket basşysy älem kürdelı ekologiialyq qauıp-qatermen betpe-bet kelıp otyrǧanyn, sonyŋ ışınde Ortalyq Aziia ony erekşe sezınetının jetkızdı.
– Klimat özgerısı mūnda älemdık deŋgeimen salystyrǧanda öte tez jürıp jatyr. Aimaqta qūrǧaqşylyq jiı oryn alyp, mūzdyqtar erıp, tūşy sudyŋ qory azaiyp keledı. Kez kelgen halyqtyŋ ruhani dästürı tabiǧatty aialauǧa, qorşaǧan ortamen üilesımdı ömır süruge üiretedı. Öitkenı Jer – Jaratuşy syilaǧan ortaq üiımız. Oǧan qamqorlyq tanytu – paryzymyz. Klimattaǧy özgerıster men onyŋ auyr saldary – tek ǧylymi nemese ekonomikalyq mäsele emes, ırgelı adamgerşılık qūndylyqtar üşın synaq. Yqtimal ekologiialyq apattardyŋ aldyn alu üşın halyqaralyq yntymaqty nyǧaitu, sondai-aq jahandyq jäne öŋırlık deŋgeide üilesımdı äreket etu maŋyzdy. Sondyqtan Sezd aiasynda klimat özgerısterıne qarsy kürestegı dın köşbasşylarynyŋ rölı turaly bırlesken qūjat äzırleudı ūsynamyn. Atalǧan qūjatta ruhani dästürlerge negızdelgen jäne klimat özgerısterıne osal öŋırlerdı qoldauǧa erekşe män beretın ekologiialyq jauapkerşılıktıŋ jalpyǧa bırdei qaǧidattaryn bekıtuge bolady, – dedı Qasym-Jomart Toqaev.
