Belgılı qazaqstandyq säuletşı, dizainer jäne säulet tarihyn zertteuşı Almas Baimūhanūly Ordabaev 88 jasynda ömırden öttı. Qaraly habardy onyŋ jūbaiy Olga Daugalieva jetkızdı, dep abarlaidy "Adyrna".
«Bügın menıŋ äkem, Almas Ordabaev ömırden öttı. Ol men üşın qalai ömır sürudıŋ de, qalai būl düniemen qoştasudyŋ da ülgısı bolyp qaldy.
Ötken künı jary Olgaǧa qoştasatynyn aityp, soŋǧy salǧan kartinalaryna qoltaŋbasyn qoidy. Keşe menımen qoştasty. Bügın Pragadaǧy nemerelerımen qaşyqtan qoştasyp, olarǧa qol būlǧap, soŋǧy ret amandasty. Jymiyp tūryp, bärımızdı jaqsy köretının aitty.
Arada jarty saǧat ötkende äkemnıŋ jüregı toqtady», dep jazdy qyzy Jämila Stehlikova.
Almas Ordabaev 1959 jyly Leningrad injenerlık-qūrylys institutynyŋ säulet fakultetın, al 1962 jyly Qazaq politehnikalyq institutynyŋ önerkäsıptık jäne azamattyq qūrylys fakultetın tämamdaǧan. Eŋbek jolyn 1960-jyldardyŋ basynda belgılı säuletşı Nikolai Ripinskiidıŋ jetekşılıgımen «Qazqalaqūrylysjoba» institutynda bastaǧan.
1975–1976 jyldary Qazaq KSR Mädeniet ministrlıgınıŋ beineleu önerı jäne tarihi eskertkışterdı qorǧau bölımın basqardy. Osy kezeŋde ol Almatydaǧy Voznesensk kafedraldy sobory men Türkıstandaǧy Qoja Ahmet Iаsaui kesenesın qalpyna keltıru jūmystaryna qatysqan. Keiın būl jobalar turaly estelıkterın «Vlast» redaksiiasyna bergen beinedärısterınde baiandaǧan.
1980-jyldary Almatydaǧy «Samal» yqşamaudanyn jobalau jūmystaryna atsalysty.
Almas Ordabaev ūzaq jyldar boiy ūstazdyq qyzmetpen ainalysty. Qazaq politehnikalyq institutynyŋ säulet kafedrasynda därıs oqyp, filosofiia kafedralarynda mädeniettanu pänınen sabaq berdı. Sondai-aq Kaspii universitetınıŋ säulet jäne dizain kafedrasynyŋ professory boldy.
