Zamanbek Nūrqadılovtıŋ bırınşı äielı qaitys boldy. Būl turaly onyŋ qyzy Qūralai Nūrqadılova Instagram-paraqşasynda jazdy, dep habarlaidy “Adyrna” ūlttyq portaly.
"Bügın tünde elımız üşın maŋyzdy tūlǧa ömırden öttı. Ol – Zamanbek Nūrqadılovtıŋ qalyptasu jyldarynda serıgı bolǧan äiel. Saiasatta aqyldy, bılımdı jäne sauatty Nūrbike Ilımbaiqyzy. Sonymen qatar öte qarapaiym jäne ziialy jan edı. Ol turaly köp aituǧa bolady", – dep jazdy Qūralai Nūrqadılova.
Onyŋ aituynşa, anasy Keŋes Odaǧy kezındegı jäne odan keiıngı eldıŋ jaǧdaiy turaly köp närse aita alatyn edı. Köptegen jas saiasatkerler onyŋ qoldauymen alǧa jyljyǧan. Ol barlyq tarihi oqiǧalardy jaqsy bıletın jäne olardy öte qyzyq jetkıze alatyn.
"Menıŋ anamnyŋ danalyǧyna ony tanityn ärbır adam täntı bolatyn. İmandy bol, anaşym, qolymnan kelgennıŋ bärın jasadym!", – dedı Qūralai Nūrqadılova.
Nūrbike Nūrqadılova 79 jasynda ömırden öttı.
Aita keteiık, Zamanbek Nūrqadılov – Qazaqstannyŋ memleket jäne qoǧam qairatkerı, Qazaqstannyŋ prezidentı bolǧan Nūrsūltan Nazarbaevty aşyq synap, ony "bilıktı zaŋsyz iemdenıp, jemqorlyq jasady" dep aiyptaǧan saiasatker.
Zamanbek Nūrqadılov te qaraşa aiynda ömırden ötken edı. 2005 jyly 12 qaraşada özın-özı üş ret atty dep habarlanǧan.
Ūqsas jaŋalyqtar
