كەزدەسۋ مەكسيكانىڭ تيحۋانا قالاسىندا وتكەن بوكس كەشى اياسىندا ۇيىمداستىرىلدى.
قازاقستاندىق ەدىل قوجامبەرديەۆ كاسىپقوي رينگتە مەكسيكالىق حۋان كارلوستى مەرزىمىنەن بۇرىن جەڭدى، - دەپ حابارلايدى Vesti.kz.
كەزدەسۋ مەكسيكانىڭ تيحۋانا قالاسىندا وتكەن بوكس كەشى اياسىندا ۇيىمداستىرىلدى. جەكپە-جەك 4 راۋندقا ەسەپتەلگەن، الايدا قوجامبەرديەۆ ءبىرىنشى راۋندتا-اق تەحنيكالىق نوكاۋتپەن جەڭدى.
وسىلايشا، 32 جاستاعى قوجامبەرديەۆ كاسىپقوي بوكستا 8-ءشى كەزدەسۋىن وتكىزىپ، التاۋىن مەرزىمىنەن بۇرىن جەڭىپ، ەكەۋىندە جەڭىلگەن. ال ونىڭ قارسىلاسى سپورتتىق مانسابىندا 27-ءشى رەت جەڭىلىپ وتىر ەكەن. ول بۇرىندارى ءۇش رەت نوكاۋتپەن جەڭگەن جانە ءۇش رەت قارسىلاسىمەن تەڭ تۇسكەن.
قوجامبەرديەۆ كاسىپقوي بوكستا 2017 جىلى شىلدەدە اقش-تا ونەر كورسەتىپ باستادى. كەيىنىرەك ول وتانىندا ءۇش رەت جانە رەسەيدە ەكى رەت جۇدىرىقتاستى. ازىرگە ول التى راۋندتىق كەزدەسۋلەرگە شىققان جوق.
ول جارتىلاي اۋىر سالماقتان باستاعان، الايدا كەيىنىرەك ءبىرىنشى اۋىر ديۆيزيونعا ءوتتى. ونىڭ كەلەسى جەكپە-جەگى 27 اقپاندا وتەدى. قارسىلاسىنىڭ ەسىمى ازىرگە بەلگىسىز.
