ەركىن كۇرەستەن وليمپيادا ويىندارىنىڭ قولا جۇلدەگەرى داۋلەت شابانبايعا قاتىستى ءىس بويىنشا سوت پروتسەسى اياقتالدى، دەپ حابارلايدى “ادىرنا”.
ءىس ماتەريالدارىندا ايىپتالۋشىنىڭ بيىل قىركۇيەك ايىندا ۇلتتىق ۇلاننىڭ ءۇش اسكەري قىزمەتكەرىنە كۇش قولدانعانى ايتىلادى. ول كەشكى ساعات 21.00 شاماسىندا ءدامحانا ماڭىندا توقتاتقان پاترۋلدەردىڭ سۇراقتارىنا بالاعات سوزبەن جاۋاپ بەرىپ، كۇش كورسەتكەن.
اتاپ ايتقاندا بىرەۋىن كەۋدەسىنەن يتەرسە، نارياد باستىعىن يىعىنان قاعىپ جىبەرگەن.
ال ءۇشىنشىسىنىڭ كوزىنەن ۇرعان.
پاۆلودار سوتى سپورتشىنى كىنالى دەپ تانۋ تۋرالى قاۋلى شىعارىپ، ءۇش جىلعا باس بوستاندىعىنان ايىردى. داۋلەت شابانباي جازاسىن ورتا قاۋىپسىزدىككە يە مەكەمەدە وتەيتىن بولادى.
ۇقساس جاڭالىقتار
