«قاجىمايتىن قارا نار» عوي بۇل كىسى»: تازابەك ساتىبالدىنىڭ سوتىنا قاتىستى پىكىر ءبىلدىردى

2990
Adyrna.kz Telegram
فوتو: Instagram
فوتو: Instagram

اقىن مۇحامەدجان تازابەك Instagram-داعى پاراقشاسىندا قايرات ساتىبالدىنىڭ سوتى تۋرالى پىكىر ءبىلدىردى، دەپ حابارلايدى “ادىرنا” ۇلتتىق پورتالى.

“كىناسى بولسا مويىنداۋ – ەركەكتىڭ تىرلىگى! تەرگەۋ اقىرىنا جەتكەنشە مىڭ ءتۇرلى ۆاريانت، ءجۇز ءتۇرلى ۆەرسيا ايتىلدى. الەمدىك تەرروردان ايەلدىك وسەككە دەيىن تۇك قالدىرماي قامتىپ، حالىققا «اقپارات» تاراتتىق... «قاڭتارعا» قاتىسى بارداي، توڭكەرىس قالاعان جانداي ايىپتادىق. قارا نيەتپەن قارالاعاندار دا، تاڭدايى تۇسكەنشە تابالاعاندار دا بولدى. اللاعا تاپسىردىق! ادامنىڭ تاعدىرى اللانىڭ قولىندا. اللا قالاعان قۇلىن سىنايدى، قالاعان قۇلىن تازارتادى. بىزگە جامان كورىنگەن نارسەدە جاقسىلىق، جاقسى كورىنگەن نارسەدە جاماندىق بولۋى مۇمكىن. كەبىن كيگەن كەلمەيدى، كەبەنەك كيگەن كەلەدى...”،- دەپ جازدى ول.

ودان بولەك، ساقالعا قاتىستى ءبىراز ءسوز قوزعاي كەتىپ، اعاسى قايراتقا ساتتىلىك تىلەدى.

«اعامىزعا اللا جار بولسىن! سىناقتىڭ جەڭىلدىگىن بەرسىن. ەڭ العاش ءبىزدى قاسيەتتى مەككەگە الىپ بارعان «قاجىمايتىن قارا نار» عوي بۇل كىسى. سول جاساعان جاقسىلىعىڭىز ءۇشىن تۇرا بەرىڭىز قاسقايىپ، قايرات اعا!!!» - دەپ ىستىق لەبىزىن ءبىلدىردى.

“ادىرنا” ۇلتتىق پورتالى 

 

پىكىرلەر