قر پرەزيدەنتىنىڭ جارلىعىمەن ەرلان تۇرعىمباەۆ قازاقستاننىڭ ىشكى ىستەر ءمينيسترى بولىپ تاعايىندالدى.
ەرلان زامانبەكۇلى 1962 جىلى 14 تامىزدا الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ قارجى نەسيە جانە فاكۋلتەتىن ەكونوميست ماماندىعى بويىنشا تامامداعان.
بۇل قىزمەتكە دەيىن، قاراعاندى وبلىسى ساران قالالىق اتقارۋ كوميتەتىنىڭ ءىىب جقب بولىمشەسىنىڭ جەدەل ۋاكىلى، الاتاۋ جانە كالينين ءاىىب-ءنىڭ تەرگەۋ-جەدەل بولىمشەلەرىندە، سونداي-اق الماتى قالاسىنىڭ ءىىبب-دا ءارتۇرلى باسشىلىق لاۋازىمداردا قىزمەت اتقارعان.
قر ىىم توعىزىنشى دەپارتامەنتىنىڭ باستىعى، قازاقستان رەسپۋبليكاسى ءىىم كريمينالدىق پوليتسيا دەپارتامەنتىنىڭ باستىعى، سولتۇستىك قازاقستان وبلىسى ىشكى ىستەر دەپارتامەنتىنىڭ باسقارما باستىعى، قر ءىىم تەرگەۋ كوميتەتىنىڭ باستىعى، الماتى ىشكى ىستەر دەپارتامەنتىنىڭ باستىعى بولدى.
2012 جىلدىڭ جەلتوقسان ايىنان باستاپ قازاقستان رەسپۋبليكاسى ءىىم ىشكى ىستەر ءمينيسترىنىڭ ورىنباسارى قىزمەتىن اتقارىپ كەلگەن.
ەرلان تۇرعىمباەۆ بۇعان دەيىنگى مينيستر قالمۇحانبەت قاسىموۆتىڭ ورنىنا كەلدى.
"ادىرنا" ۇلتتىق پورتالى
