QR Prezidentınıŋ jarlyǧymen Erlan Tūrǧymbaev Qazaqstannyŋ ışkı ıster ministrı bolyp taǧaiyndaldy.
Erlan Zamanbekūly 1962 jyly 14 tamyzda Almaty qalasynda tuǧan. Äl-Farabi atyndaǧy Qazaq ūlttyq universitetınıŋ qarjy nesie jäne fakultetın ekonomist mamandyǧy boiynşa tämämdaǧan.
Būl qyzmetke deiın, Qaraǧandy oblysy Saran qalalyq atqaru komitetınıŋ IIB JQB bölımşesınıŋ jedel uäkılı, Alatau jäne Kalinin AIIB-nıŋ tergeu-jedel bölımşelerınde, sondai-aq Almaty qalasynyŋ IIBB-da ärtürlı basşylyq lauazymdarda qyzmet atqarǧan.
QR IIM toǧyzynşy departamentınıŋ bastyǧy, Qazaqstan Respublikasy IIM Kriminaldyq polisiia departamentınıŋ bastyǧy, Soltüstık Qazaqstan oblysy ışkı ıster departamentınıŋ basqarma bastyǧy, QR IIM Tergeu komitetınıŋ bastyǧy, Almaty ışkı ıster departamentınıŋ bastyǧy boldy.
2012 jyldyŋ jeltoqsan aiynan bastap Qazaqstan Respublikasy IIM Işkı ıster ministrınıŋ orynbasary qyzmetın atqaryp kelgen.
Erlan Tūrǧymbaev būǧan deiıngı ministr Qalmūhanbet Qasymovtyŋ ornyna keldı.
"Adyrna" ūlttyq portaly
