قاراعاندى اۋاسى لاستانعان قالالاردىڭ الەمدىك رەيتينگىندە 23-ءشى ورىندا تۇر. بۇل شۆەيتساريانىڭ IQAIR اۋا ساپاسىن باقىلاۋ كومپانياسىنىڭ زەرەتتەۋ جۇرگىزۋى ناتيجەسىندە بەلگىلى بولدى، دەپ حابارلايدى “ادىرنا” ۇلتتىق پورتالى.
14 ناۋرىزدا 2022 جىلعى مالىمەتتەر جاريالاندى. الەمدەگى اۋاسى لاس 50 قالانىڭ ىشىنە قاراعاندى ەنىپ وتىر. ءتىپتى، ءۇندىستاننىڭ قالالارىمەن شامالاس دەڭگەيدە تۇر، ال ول ەڭ لاس مەملەكەت بولىپ سانالادى.
اقپارات بويىنشا، قاراعاندىدا اۋانىڭ لاستانۋ يندەكسى - 77,8. 2021 جىلى ول 75,5 بولسا، ءبىر جىلدىڭ ىشىندە بۇل كورسەتكىش ايتارلىقتاي وسكەن.
IQAIR زياندى قالدىقتار مەن بولشەكتەردى ساناۋ ارقىلى اۋا ساپاسىن ولشەيدى. ال ددۇ مۇنىڭ اۋاداعى كونتسەنتراتسياسى تەكشە مەترگە ورتا ەسەپپەن 10 ميكروگراممنان اسپاۋى كەرەك ەكەنىن ايتۋدا.
ايتا كەتەيىك، بىلتىر قازاقستانداعى اۋانىڭ لاستانۋ دەڭگەيى كۇرت ناشارلادى. زەرتتەۋلەر ناتيجەسىندە بۇل كورسەتكىشتەر رۇقسات ەتىلگەن الەمدىك ستاندارتتاردان ءۇش ەسە اسىپ تۇسكەن.
