گااگاداعى حالىقارالىق قىلمىستىق سوت ۆلاديمير پۋتين مەن بالالار ومبۋدسمەنى ماريا لۆوۆا-بەلوۆانى تۇتقىنداۋعا وردەر بەردى، دەپ حابارلايدى «ادىرنا» ءتىلشىسى.
رەسەي پرەزيدەنتى ۋكراينانىڭ وككۋپاتسيالانعان اۋماقتارىنان بالالاردى رەسەيگە زاڭسىز دەپورتاتسيالاعانى ءۇشىن ايىپتالىپ وتىر. بالا قۇقىقتارى جونىندەگى ۋاكىل ماريا لۆوۆا-بەلوۆا دا وسىعان ۇقساس قىلمىستار جاسادى دەگەن كۇدىككە ءىلىندى.
پۋتين مەن لۆوۆا-بەلوۆانى تۇتقىنداۋ وردەرى 2023 جىلدىڭ 22 اقپانىندا پروكۋراتۋرا بەرگەن ارىزدار نەگىزىندە شىعارىلدى.
ەلدىڭ سىرتقى ىستەر مينيسترلىگىنىڭ رەسمي وكىلى ماريا زاحاروۆانىڭ ايتۋىنشا، حالىقارالىق قىلمىستىق سوت شەشىمدەرىنىڭ رەسەي ءۇشىن قۇقىقتىق سالماعى جوق.
«رەسەي حالىقارالىق قىلمىستىق سوتتىڭ ريم ستاتۋتىنىڭ مۇشەسى ەمەس. سول سەبەپتى ەشقانداي مىندەتتەمەلەر المايدى. مەملەكەت بۇل ورگانمەن ارىپتەس ەمەس»،—دەدى ول.
