ماسس-مەديا زاڭى: ءباسپاسوز كارتاسى بار جۋرناليست قانداي ارتىقشىلىققا يە بولماق

اقپان ايىنىڭ 2-سىندە ەرەجەلەرگە سايكەس، «ماسس-مەديا تۋرالى» زاڭ جوباسىنىڭ نۇسقاسىن اشىق پورتالعا ەنگىزىپ، تالقىلاۋ جۇرگىزدىك. ونىڭ ىشىندە كوپتەگەن ەسكەرتۋلەر بولدى. سونىڭ اياسىندا مەملەكەت باسشىسىنىڭ اتىنا ارىز دا جازىلعان بولاتىن. ونى دا ءبىز قاراپ، پىسىقتادىق. ناتيجەسىندە جاڭا نۇسقاسى دايىندالدى. ەسكەرتۋلەر اياسىندا وزگەرتىلگەن نۇسقانى اشىق پورتالعا تاعى دا ەنگىزەمىز. ءارى قاراي رەگلامەنت بويىنشا جۇمىستار جالعاسادى. مەملەكەتتىك ورگاندارمەن كەلىسىپ، ساراپتامالار جاسالىپ جاتىر. سودان كەيىن ۇكىمەتكە كىرەتىن بولامىز، – دەدى ول.

بارلىعىندا پىكىر بولدى. مۇنداي نورما بولمايدى نەمەسە تسەنزۋرا دەگەن سەكىلدى. ءبىز ءوز تاراپىمىزدان بۇعان قاتىستى ويىمىزدى ايتتىق. پىسىقتاي كەلە، جۇمىس توبىمەن مىناداي شەشىمگە كەلدىك. ەرەكشە جاعدايلار نورماسىن الىپ تاستادىق. ەكىنشىدەن، ءباسپاسوز كارتالار بويىنشا سىن جانە ەتيكا ماسەلەسى زاڭنىڭ ىشىندە بولماۋ كەرەك دەگەن سەكىلدى ساۋالدار دا بولدى. وسىنىڭ ءبارىن ەسكەرە كەلە، ءبىراز باپقا تۇزەتۋ ەنگىزدىك. ءباسپاسوز كارتاسىنا شەكتەۋ ەنگىزىلمەيدى. ءباسپاسوز كارتاسىنا يە بولعان جۋرناليست مەملەكەتتىك ورگاندار ۇيىمداستىرعان ءىس-شارالارعا اككرەديتاتسياسىز وتە الادى. مۇنىڭ ءبارى قازىرگى تاڭداعى تسيفرلى زامانعا ساي بولۋ ءۇشىن ءارتۇرلى جولدارىن قاراستىرامىز. بولاشاقتا تسيفرلىق جۇيەگە كوشۋى ابدەن ابزال. قازىرگى تاڭدا ونى ءالى پىسىقتاپ جاتىرمىز، – دەيدى جاسۇلان ومىراليەۆ.