"اش جۇرگەن سيريا بۇلاي تالاسپايدى": تەگىن تاماق ءۇشىن توبەلەسكەن جۇرت جەلىنى شۋلاتتى (ۆيدەو)

10301
Adyrna.kz Telegram

الەۋمەتتىك جەلىدە تەگىن پالاۋعا تالاسقان جۇرتتىڭ ۆيدەوسى كەڭ تاراپ، قىزۋ تالقىعا ءتۇستى. بۇل تۋرالى "ادىرنا" ۇلتتىق پورتالى جازادى. 

ناۋرىز مەيرامىنا وراي رەسپۋبليكا قالالارىندا كيىز ۇيلەر تىگىلىپ، مول داستارحان جايىلدى.

الايدا تەگىن تاراتىلعان تاماقتىڭ ارتى داۋ-جانجالعا ۇلاسىپ، ءتىپتى ۇرىس-توبەلەسكە اكەلدى. كيىز ۇيگە كىرۋگە اسىققان حالىق ايعاي-شۋ شىعارىپ، ءبىر-ءبىرىن تاپتاپ وتۋگە دەيىن باردى.

جەلى قولدانۋشىلارى قازاقستاندىقتاردىڭ ەرسى قىلىعىن قاتاڭ سىنعا الىپ جاتىر.

«ۇيات-اي، وزدەرىن كورىپ ۇيالماي ما ەكەن؟ نە كورىندى سونشا؟ مىنا تۇرىمىزبەن دامۋ قايدا بىزگە! مىنە، وسىندايلاردان شىعادى جىمعىرتاتىن جەمقورلار، تۇك كورمەگەن تەگىنگە قۇمارلار»، «تەگىن تەكتىلىگىڭدى بۇزادى دەيدىن ەدى اجەم»، "ەلىندە سوعىس بولىپ، اش جۇرگەن سيريا حالقى دا بۇلاي تالاسپايدى عوي", "قازاعىم قارا قازاننىڭ قادىرىن ۇمىتقانداي عوي", "ادامداردىڭ نيەتى جامان بولىپ بارا جاتىر. شۇكىرشىلىك جوق، تاۋبەگە كەلىڭدەر", "نە جابايىلىق، ار-نامىس قايدا؟ قاسيەتتەن جۇرداي بولىپ بارا جاتىرمىز", "قۇلدىق سانادان قاشان ارىلامىز قازاعىم؟", -  دەپ جازدى ولار.

"ادىرنا" ۇلتتىق پورتالى 

 

 

پىكىرلەر